Jitesh Sharma : भर मैदानात जितेश शर्मा तिच्या पाया पडला! कोण आहे महिला क्रिकेटपटू? Video

जितेश शर्मा कुणाच्या पाया पडला?

दुसऱ्या टी-20 सामन्याआधी जितेश शर्मा एका महिला क्रिकेटपटूच्या पाया पडला. मुल्लानपूरमध्ये मॅच सुरू व्हायच्या आधी ही घटना घडली. मॅच आधी जितेश शर्मा वॉर्मअप करत होता, तेव्हा जितेश महिला क्रिकेटपटूच्या जवळ गेला. जितेश शर्मा त्याच्या ट्रेनिंग किटमध्ये होता आणि त्याच्या हातात बॅट आणि बॅटिंग ग्लोव्हज होते. तरीही जितेशने महिला क्रिकेटपटूचे पाय धरले, यानंतर तिने जितेशची पाठ थोपटली. ही महिला क्रिकेटपटू हरलीन देओल होती. हरलीन आणि जितेश यांच्यात काही वेळ चर्चाही झाली.

advertisement

हरलीन देओल महिला वर्ल्ड कप 2025 जिंकणाऱ्या भारतीय टीमची सदस्य होती. हरलीनने 5 सामन्यांमध्ये 33.80 च्या सरासरीने 169 रन केले.

भारताला पराभवाचा धक्का

दक्षिण आफ्रिकेने पहिले बॅटिंग करताना 20 ओव्हरमध्ये 213/4 एवढा स्कोअर केला. क्विंटन डिकॉकने फक्त 46 बॉलमध्ये 90 रनची खेळी केली. भारताकडून वरुण चक्रवर्तीने 4 ओव्हरमध्ये 29 रन देऊन 2 विकेट घेतल्या. दक्षिण आफ्रिकेच्या आव्हानाचा पाठलाग करताना भारताची सुरूवात खराब झाली. पॉवरप्लेमध्ये भारताच्या 3 विकेट गेल्या, यानंतर तिलक वर्मा एकटा किल्ला लढवत होता, पण त्याला कुणाचीच साथ मिळाली नाही. तिलकने 34 बॉलमध्ये 62 रन केले, ज्यात 5 सिक्स आणि 2 फोरचा समावेश होता. टीम इंडियाचा या सामन्यात 19.1 ओव्हरमध्ये 162 रनवर ऑलआऊट झाला. जितेश शर्माने 17 बॉलमध्ये 158.82 च्या सरासरीने 27 रन केले, यात त्याने 2 फोर आणि 2 सिक्स मारले.

कधी होणार तिसरा सामना?

या विजयासोबतच दक्षिण आफ्रिकेने पाच सामन्यांच्या सीरिजमध्ये 1-1 ने बरोबरी केली आहे. पहिल्या सामन्यात टीम इंडियाचा 101 रननी विजय झाला होता. सीरिजचा तिसरा सामना रविवार 14 डिसेंबरला धर्मशालामध्ये होणार आहे.