IND vs SA 3rd T20I : धर्मशाळामध्ये शुभमन गिलला अखेरची संधी? प्लेइंग इलेव्हनमधून 'या' दोन खेळाडूंना मिळणार डच्चू

कॅप्टन आणि व्हाईस कॅप्टनने टेन्शन वाढवलं

भारतीय टी-20 कर्णधार सूर्यकुमार यादव आणि उपकर्णधार शुभमन गिल खराब फॉर्ममुळे झगडत आहेत. दोन्ही फलंदाजांनी 15 पेक्षा जास्त डावांमध्ये टी-20 मध्ये अर्धशतक झळकावलेले नाही. सूर्याने शेवटचे अर्धशतक 2024 मध्ये हैदराबादमध्ये बांगलादेशविरुद्ध केले होते. तेव्हापासून, तो 20 डावांमध्ये 50 पर्यंत पोहोचू शकलेला नाही.

advertisement

कोणत्या दोन खेळाडूंना मिळणार एन्ट्री?

भारतीय टीम मॅनेजमेंट मैदानावरील परिस्थिती पाहता धर्मशाळामध्ये अर्शदीप आणि अक्षरला विश्रांती देण्याची शक्यता आहे आणि कुलदीप यादव आणि हर्षित राणा यांना संधी देईल अशी शक्यता आहे. मात्र, मैदानात खूप दव असेल तरच अशी शक्यता आहे. मागील दोन मॅचचा अनुभव पाहता टीम इंडिया अखेरच्या क्षणी निर्णय घेण्याची शक्यता आहे.

मालिका रोमांचक स्थितीत

दरम्यान, हा सामना भारतासाठी महत्त्वाचा असेल, कारण जर त्यांनी हा सामना गमावला तर त्यांना मालिका जिंकण्यासाठी उर्वरित दोन्ही सामने सलग जिंकावे लागतील. त्यामुळे, टीम इंडिया या सामन्यात आपले सर्व प्रयत्न करेल आणि जिंकण्यासाठी सर्वतोपरी प्रयत्न करेल. तथापि, यासाठी संघ व्यवस्थापनाला कठोर निर्णय घ्यावे लागतील.