TRENDING:
स्पेन्सर जॉनसन हा पाठीच्या दुखापतीतून सावरत आहे. या दुखापतीमुळे त्याला बिग बॅश लीगही खेळता आली नाही, त्यामुळे 21-23 एप्रिलच्या दरम्यान जॉनसन सीएसकेमध्ये सामील होऊ शकतो. आयपीएलचं पूर्ण वेळापत्रक अजून जाहीर झालेलं नसलं तरी जॉनसन सीएसकेच्या राजस्थान, पंजाब, आरसीबी आणि दिल्लीविरुद्धच्या सामन्यांमध्ये खेळू शकणार नाही. स्पेन्सर जॉनसन हा त्याचा शेवटचा स्पर्धात्मक सामना मागच्या आयपीएलमध्येच खेळला होता. केकेआरकडून खेळत असताना जॉनसनला पाठीचा त्रास सुरू झाला त्यानंतर त्याला स्ट्रेस फ्रॅक्चर झाले होते.
advertisement
एलिस आयपीएलमधून बाहेर
दुसरीकडे नॅथन एलिसला 11 मार्च रोजी ऑस्ट्रेलियातील स्थानिक वनडे कपच्या फायनलमध्ये हॅमस्ट्रिंगची दुखापत झाली, त्यामुळे एलिस स्पर्धेतून बाहेर झाला. एलिस बाहेर झाल्यानंतर सीएसकेने जॉनसनला 1.5 कोटी रुपयांना विकत घेतलं. 30 वर्षांचा जॉनसन ऑस्ट्रेलियाकडून 5 वनडे आणि 8 टी-20 आंतरराष्ट्रीय मॅच खेळला आहे, तसंच त्याला वेगवेगळ्या लीगमध्ये 71 टी-20 मॅचचा अनुभव आहे.
आयपीएल 2024 च्या आधी गुजरातने जॉनसनला 10 कोटी रुपये देऊन विकत घेतलं. यानंतर 2025 मध्ये केकेआरने त्याला 2.80 कोटी रुपयांना विकत घेतलं, पण 2026 मध्ये जॉनसनवर कोणत्याच टीमने बोली लावली नाही. यानंतर जॉनसनने पीएसएल खेळण्याचा निर्णय घेतला, पण त्याने आता पीएसएलमधूनही माघार घेतली आहे.