IPL 2026 : आयपीएल कधी सुरू होणार? सस्पेन्स संपला, तारीख झाली जाहीर

Star Sportsने दिलेल्या माहितीनुसार, आयपीएल 2026 ची सुरुवात 28 मार्चपासून होणार आहे. मात्र अद्याप Indian Premier League कडून अधिकृत वेळापत्रक जाहीर करण्यात आलेले नाही. त्यामुळे चाहत्यांना संपूर्ण शेड्यूलची प्रतीक्षा अजूनही करावी लागत आहे.

कार्यक्रमाच्या घोषणेत उशीर का?

पाच राज्यांमध्ये होणाऱ्या विधानसभा निवडणुकांमुळे आयपीएलच्या कार्यक्रमाच्या घोषणेत विलंब होत असल्याचे सांगितले जात आहे. ज्या तीन राज्यांमध्ये आयपीएलचे सामने खेळवले जाणार आहेत, त्या राज्यांच्या विधानसभा निवडणुकांच्या तारखा अद्याप जाहीर झालेल्या नाहीत.

advertisement

या राज्यांमध्ये Assam, West Bengal आणि Tamil Nadu यांचा समावेश आहे. कोलकाता (पश्चिम बंगाल) आणि चेन्नई (तमिळनाडू) ही अनुक्रमे Kolkata Knight Riders आणि Chennai Super Kings यांची घरची मैदाने आहेत.

तसेच Guwahati हे Rajasthan Royals चे दुसरे होम व्हेन्यू मानले जाते. त्यामुळे निवडणुकांच्या तारखा निश्चित झाल्यानंतरच आयपीएलचे अधिकृत वेळापत्रक जाहीर होण्याची शक्यता आहे. प्रसारकाने स्पर्धेच्या सुरुवातीची तारीख जाहीर केली असली तरी पूर्ण शेड्यूलची प्रतीक्षा कायम आहे. पुढील काही दिवसांत अधिकृत कार्यक्रम जाहीर होण्याची शक्यता वर्तवली जात आहे.

किताब बचावासाठी उतरणार RCB

दरम्यान RCBने 2025 मध्ये पंजाब किंग्ज ला पराभूत करत पहिल्यांदाच आयपीएलचे विजेतेपद पटकावले होते. त्यामुळे यंदाच्या हंगामात आरसीबीची टीम विजेतेपदाचा बचाव करण्यासाठी मैदानात उतरणार आहे.

आरसीबीच्या चाहत्यांसाठी दिलासादायक बाब म्हणजे संघ गट टप्प्यातील पाच सामने आपल्या घरच्या मैदानावर खेळणार आहे. यासाठी Karnataka State Cricket Association कडून मंजुरी देण्यात आली आहे.

उद्घाटन सामना कुठे होणार?

केएससीएचे अध्यक्ष Venkatesh Prasad यांनी यापूर्वी सांगितले होते की आयपीएल 2026 चा उद्घाटन सामना आणि अंतिम सामना दोन्ही M. Chinnaswamy Stadium येथेच खेळवले जाणार आहेत.

याशिवाय या स्टेडियममध्ये एक प्लेऑफ सामना देखील आयोजित केला जाणार आहे. आरसीबीचे गट टप्प्यातील पाच सामने चिन्नास्वामी स्टेडियमवर खेळवले जातील. तर उर्वरित दोन ‘होम’ सामने संघ Shaheed Veer Narayan Singh International Cricket Stadium, Raipur येथे खेळणार आहे.