IPL 2026 : जिकडे 11 जणांचा मृत्यू झाला, तिथेच आयपीएलचा पहिला सामना, आयपीएलचं पूर्ण शेड्यूल!

आयपीएल 2026 चा पहिला सामना गतविजेती आरसीबी सनरायजर्स हैदराबादविरुद्ध खेळणार आहे. बंगळुरूच्या चिन्नास्वामी स्टेडियममध्ये हा सामना होईल. यंदाच्या आयपीएलमध्ये आरसीबी त्यांचं घरचं मैदान असलेल्या बंगळुरूच्या चिन्नास्वामी स्टेडियममध्ये खेळेल का नाही? याबाबत साशंकता निर्माण झाली होती, कारण आयपीएल 2025 च्या व्हिक्ट्री परेडवेळी चिन्नास्वामी स्टेडियममध्ये चेंगराचेंगरी झाली.

आयपीएल 2025 मध्ये आरसीबी पहिल्यांदाच ट्रॉफी जिंकली होती. यानंतर बंगळुरूच्या चिन्नास्वामी स्टेडियमवर खास कार्यक्रमाचं आयोजन करण्यात आलं, यासाठी आरसीबीच्या चाहत्यांनी स्टेडियमबाहेर मोठ्या प्रमाणावर गर्दी केली, त्यामुळे चेंगराचेंगरी झाली आणि 11 जणांचा मृत्यू झाला तर जवळपास 50 जण जखमी झाले. या चेंगराचेंगरीनंतर बंगळुरूमध्ये एकाही सामन्याचं आयोजन केलं गेलं नाही.

advertisement

सुरक्षेच्या कारणामुळे बंगळुरूच्या प्रशासनाने चिन्नास्वामी स्टेडियमवर सामने आयोजित करायला परवानगी दिली नव्हती. अखेर सुरक्षेचे सगळे नियम पाळल्यानंतर बंगळुरूच्या प्रशासनाने आयपीएल 2026 चे सामने बंगळुरूमध्ये आयोजित करायला परवानगी दिली आहे.

आरसीबीची टीम

रजत पाटीदार, विराट कोहली, फिल सॉल्ट, देवदत्त पडिक्कल, जितेश शर्मा, जॉश हेजलवूड, कृणाल पांड्या, टीम डेव्हिड, स्वप्नील सिंग, रोमारियो शेफर्ड, जेकब बेथल, व्यंकटेश अय्यर, सात्विक ओत्सवाल, विहान मल्होत्रा, कनिष्क चौहान, जॉर्डन कॉक्स, रसिख दार, सुयश शर्मा, भुवनेश्वर कुमार, नुवान तुषारा, अभिनंदन सिंग, जेकब डफी, यश दयाळ