Ishan Kishan Gf : लाल ड्रेसवर नातवाची गर्लफ्रेंड व्हायरल झाली, इशानच्या आजोबांनी थेट लग्नाला दिला हिरवा कंदील! काय म्हणाले?

अदितीला पाहून आनंद झाला

ईशानचे आजोबा अनुराग पांडे यांनी आपल्या नातवाच्या आणि संपूर्ण टीमच्या कामगिरीवर समाधान व्यक्त केला. "ईशानने जशी कामगिरी केली ते पाहून खूप आनंद होत आहे. तसेच त्याच्या मैत्रिणीला मैदानात पाहून आनंद झाला. आमच्या नातवानंही कमाल केली," असं म्हणत त्यांनी ईशानच्या योगदानाचं कौतुक केलं. या मॅचमध्ये ईशानने उपयुक्त 54 रन्सची खेळी केली आणि 3 कठीण कॅचही घेतले त्यामुळे टीम इंडियाचा विजय सोपा झाला.

advertisement

दोघांच्या नात्याला हिरवा कंदील

या विजयानंतर ईशान किशन आणि मॉडेल अदिती हुंडिया यांच्या नात्याबद्दलही आजोबांनी मोकळेपणानं भाष्य केलं. "मी पाहिलं की मॅचनंतर अदिती ईशानला भेटत होती," असं सांगत त्यांनी या दोघांच्या नात्याला हिरवा कंदील दिला आहे. अदिती प्रत्येक मॅच पाहायला जाते, हे देखील त्यांनी आवर्जून नमूद केलं, ज्यामुळे चाहत्यांच्या भुवया उंचावल्या आहेत.

लग्नाला आमची पूर्ण संमती असेल

दरम्यान, कुटुंबाच्या पाठिंब्याबद्दल बोलताना अनुराग पांडे म्हणाले की, ईशानला ज्याच्याशी लग्न करायचं आहे, त्याला आमची पूर्ण संमती असेल. आम्ही त्याचा निर्णय स्वीकारू, असंही त्यांनी स्पष्ट केलं. एका मोठ्या विजयानंतर खेळाडूच्या वैयक्तिक आयुष्यातील या सकारात्मक चर्चांनी सोशल मीडियावर सर्वांचे लक्ष वेधून घेतलं आहे.