Success Story : नोकरीत रमले नाही मन, तरुणाने सुरू केला भंगार गोळा करून व्यवसाय, वर्षाला 3 कोटी उलाढाल

पुणे : अनेक तरुण नोकरी सोडून व्यवसाय करण्याला प्राधान्य देत आहेत. मूळचे अहिल्यानगर जिल्ह्यातील श्रीरामपूरचे असलेले प्रमोद सुसरे या तरुणाने भंगारातील वस्तूंचा पुनर्वापर करून करोडोंचा व्यवसाय उभा केला आहे. इंजिनिअरिंग पूर्ण केल्यानंतर प्रमोद यांनी काही काळ नोकरी केली. मात्र नोकरीत मन रमत नसल्याने त्यांनी स्वतःचा व्यवसाय सुरू करण्याचा निर्णय घेतला. त्यातूनच P2S International Furniture World हा व्यवसाय सुरू केला. या व्यवसायामध्ये भंगारात टाकून दिलेल्या वस्तूंना नव्या डिझाईनमध्ये रूपांतरित करून ते आकर्षक आणि टिकाऊ फर्निचर तयार करतात. त्यांच्या उत्पादनांना ग्राहकांकडून मोठी मागणी असून आज त्यांच्या व्यवसायाची वार्षिक उलाढाल तब्बल 3 कोटी रुपयांपर्यंत पोहोचली आहे. त्यांच्या प्रवासाविषयी त्यांनी लोकल 18 ला माहिती दिली आहे.