VIDEO : चल निघ..., सराव सामन्यात ईशान किशनला नवखा खेळाडू भिडला, IPL आधीच मोठा राडा

खरं तर सनरायझर्स हैदरबादचा नुकताच इंट्रा स्क्वॉड सामना पार पडला.या सामन्यात झिशान अन्सारीने ईशान किशनला आऊट केल्यानंतर जोरदार आक्रामक सेलिब्रेशन केले होते.त्यामुळे मैदानात गरमागरमी झाली होती. ही घटना सनरायझर्स बी च्या डावाच्या आठव्या ओव्हर दरम्यान घडलेली. त्यावेळेस ईशान किशन आणि लियाम लिविंगस्टोन क्रीजवर खेळत होते आणि वेगाने धावा काढत होते.

advertisement

या दरम्यान झिशान अन्सारी गोलंदाजीला येताच ईशान किशनने त्याच्या ओव्हरला 20 धावा काढल्या. पण नंतर झिशानने शेवटच्या बॉलवर ईशान किशनला आऊट केले होते. पण इस्ट्रा स्क्वॉड सामना म्हटलं तर सेलिब्रेशन होत नाही.पम झिशानने ईशानची विकेट काढताच त्याा हातवारे करत चल निघ..असे करत पव्हेलियनकडे जाण्याचा इशारा केला होता.या दरम्यान दोन्ही खेळाडूंमध्ये थोडासा संवादही झाला. त्यामुळे मैदानात वातावरण तापलं होतं.दरम्यान ही घटना ईशान किशनने गांभिर्याने न घेता हसून वाद टाळला होता.त्यामुळे मोठी घटना टळली होती.

दरम्यान या सामन्यात ईशान किशन आणि अभिषेक शर्मा या दोघांनी उत्कृष्ट कामगिरी केलीय. अभिषेक शर्माने सनरायझर्स अ संघासाठी ओपनिंग करताना 94 धावांची वादळी खेळी, तर ईशान किशनने सनरायझर बी साठी 24 बॉलमध्ये 72 धावांची खेळी केली होती.

यंदाच्या हंगामात सनरायझर्स हैदराबादचा कर्णधार पॅट कमिन्स अद्याप संघात उपस्थित राहु शकला नसल्याने ईशान किशन सुरुवातीच्या सामन्यात सनरायझर्स हैदराबादच नेतृत्व करताना दिसणार आहे, तर अभिषेक शर्मा हा उप कर्णधार असणार आहे.

सनरायझर्स हैदराबादचा पहिला सामना हा 28 मार्च 2026 ला गतविजेत्या रॉयल चॅलेंजर्स बंगळूरूसोबत असणार आहे. हा सामना बंगळुरूत खेळवला जाणार आहे. या सामन्याची क्रिकेटप्रेमींना उत्सुकता लागली आहे.