TRENDING:
खरं कर मंगळवारी पार पडलेल्या लिलावात ठाणे जिल्ह्यातील शहापूरच्या ओमकार तारमळेची निवड झाली. काव्या मारनच्या सनरायझर्स हैदराबाद संघाने त्याला आपल्या ताफ्यात घेतलं होतं. या निवडीनंतर ओमकारच्या शेरे गावात तुफान जल्लोष करण्यात आला. या दरम्यान ओमकारच्या वडिलांनी अख्ख्या गावासमोर आपल्या मुलाला कसं क्रिकेटच्या मैदानात पोहोचवलं याचा संघर्ष सांगितला.
आमचा ओमकार क्रिकेटच्या मैदानात दिवसेंदिवस प्रगती करत होता. तो आधी दिल्लीला गेला, मग महाराष्ट्रात खेळला.यानंतर माझी आर्थिक परिस्थिती चांगली नव्हती. पण मला त्याला त्रिपूराला पाठवायचं होतं.त्यावेळी माझी आर्थिक परिस्थिती चांगली नव्हती.त्यावेळी मी माझ्या शेजारच्या महिलांच्या बचतगटाकून पैसे मागून 3 लाख रूपये जमा केले.आणि हे पैसे मी जमा करून त्याला त्रिपूराला पाठवलं. आणि तिकडे देखील ओमकारने खूप चांगला परफॉर्मन्स केला,असे ओमकारच्या वडिलांनी सांगितली.
दरम्यान ओमकारची खेळी पाहून त्रिपुरातून मला फोन यायला लागले.ओमकार आमच्याकडे द्या, आम्ही ओमकारच सगळं बघतो.पण मी यास स्पष्ट नकार दिला. कारण आमच्या इथले कोच आहेत नरेश दिवाने, कल्याणचे काही कोच आहेत ते म्हणाले,ओमकारमध्ये अशी क्षमता आहे की तो भविष्यात तो काही तरी करून दाखवू शकतो,असे ओमकारच्या वडिलांनी सांगितली.
क्रिकेटसाठी त्यांनी पण खुप मेहनत केली.पहाटे 4 वाजता उठायचा, म्हणजे कधी उठायचा आणि कधी जायचा हे आम्हाला देखील माहिती नाही, असे ओमकारचे वडील म्हणाले. मी त्याला एकच गोष्ट सांगितलेली आयुष्यात चांगला फोकस ठेव.कारण माझ्या आयुष्यात मला जी मेहनत करावी लागली जी तुम्हाला करावी लागू नये.माझ्या मुलाच्या भबिष्यासाठी मी सगळे प्रयत्न केले.या प्रयत्नाचं यश त्याने मिळवून दिल,असे ओमकारचे वडील म्हणाले.
दरम्यान माध्यमांशी बोलताना ओमकारच्या डोळ्यात अश्रू होते, आणि त्याने सांगितले, घरची परिस्थिती बेताची असल्यामुळे मला क्रिकेट सोडायचे वाटे, पण मी ठरवले होते की काहीतरी करून दाखवणार आहे.
ओमकारची निवड 30 लाखांमध्ये सनरायझर्स हैदराबाद संघात झाली आहे. आता ओमकार काव्या मारनच्या संघातून आयपीएल 2026 मध्ये खेळताना दिसणार आहे.