TRENDING:
उजव्या गुडघ्याला 'लिगामेंट इंजरी'
कोलकाता नाईट रायडर्स (KKR) संघाला आयपीएल 2026 च्या सुरुवातीपूर्वीच मोठा धक्का बसला आहे. संघाचा स्टार वेगवान गोलंदाज हर्षित राणा दुखापतीमुळे संपूर्ण हंगामातून बाहेर पडला आहे. टी-20 वर्ल्ड कपपूर्वी दक्षिण आफ्रिकेविरुद्ध झालेल्या सराव सामन्यात त्याच्या उजव्या गुडघ्याला 'लिगामेंट इंजरी' झाली होती. या दुखापतीवर फेब्रुवारी महिन्यात शस्त्रक्रिया करण्यात आली असून, तो सध्या पुनर्वसनाच्या (rehab) प्रक्रियेतून जात आहे.
advertisement
हर्षित राणा संपूर्ण आयपीएलमधून बाहेर
केकेआरचे मुख्य प्रशिक्षक अभिषेक नायर यांनी या वृत्ताला दुजोरा दिला आहे. हर्षित राणा गेल्या काही हंगामांपासून, विशेषतः चॅम्पियनशिप जिंकलेल्या मोसमात संघाचा अविभाज्य भाग होता. गेल्या 1 वर्षात त्याची कामगिरी उंचावली असून त्याचे संघात नसणे हा आमच्यासाठी मोठा लॉस असल्याचे नायर यांनी म्हटले आहे. हर्षितची जागा भरून काढणे सोपे नसल्याचेही त्यांनी आवर्जून नमूद केले.
आयपीएलसाठी ना हरकत प्रमाणपत्र
केकेआरच्या अडचणी इथेच संपत नाहीत, कारण श्रीलंकेचा वेगवान गोलंदाज मथीशा पाथिराना याच्या दुखापतीनेही संघाचे नियोजन कोलमडले आहे. श्रीलंका क्रिकेट बोर्डाने (SLC) स्पष्ट केले आहे की, पाथिराना अद्याप दुखापतीतून सावरत आहे. त्याला आयपीएलसाठी ना हरकत प्रमाणपत्र (NOC) मिळण्यापूर्वी फिटनेस टेस्ट द्यावी लागणार आहे, जी अद्याप झालेली नाही.
हर्षित राणाच्या जागी कोण?
दरम्यान, हर्षित राणाच्या जागी कोणता खेळाडू संघात येईल, याबाबत अद्याप अधिकृत घोषणा झालेली नाही. मात्र, गेल्या काही दिवसांपासून ईडन गार्डन्सवर नवदीप सैनी, आकाश मदवाल, सिमरजीत सिंग, संदीप वॉरियर आणि केएम आसिफ हे गोलंदाज सराव करताना दिसले आहेत. यापैकी कोणा एकाची वर्णी संघात लागण्याची दाट शक्यता आहे.