TRENDING:
कांदा चटणीसाठी साहित्य
या चटणीसाठी 1 वाटी बारीक चिरलेला कांदा, 1 वाटी चिरलेले टोमॅटो, लसूण, कोथिंबीर, तेल, जिरे, मोहरी, बडीशेप, हळद, मीठ, धने पूड आणि गूळ लागतो. तसेच 4 ते 5 लाल मिरच्या आणि थोडी चिंच आवश्यक आहे.
Quick Curry Recipe : डब्यात सतत बटाटे खाऊन कंटाळलात? बनवा रताळ्याची चटपटीत भाजी, झटपट होईल तयार
advertisement
चटणी बनविण्याची कृती
चटणी तयार करण्यासाठी सर्वप्रथम चिंच आणि लाल मिरच्या कोमट पाण्यात सुमारे 15 मिनिटे भिजत ठेवाव्यात. त्यानंतर त्यांचे मिक्सरमध्ये बारीक वाटण तयार करावे. यानंतर कढईत तेल गरम करून त्यात जिरे, मोहरी आणि बडीशेप टाकून फोडणी द्यावी. फोडणी तडतडल्यावर त्यात चिरलेला कांदा घालून हलका लालसर होईपर्यंत परतून घ्यावा.
कांद्याचा रंग बदलल्यानंतर त्यात टोमॅटो घालून नरम होईपर्यंत शिजवावे. त्यानंतर लसूण पेस्ट, मीठ, हळद आणि धने पूड घालून मिश्रण चांगले एकजीव करावे. हे मिश्रण सुमारे 5 मिनिटे शिजू द्यावे. यानंतर तयार केलेले चिंच-मिरचीचे वाटण त्यात घालून पुन्हा चांगले मिक्स करावे. त्यात गूळ टाकून गूळ पूर्ण विरघळेपर्यंत चटणी शिजवावी.
शेवटी कोथिंबीर घालून हलकेच मिक्स करावे. अशा प्रकारे चटपटीत आणि झणझणीत कांद्याची उन्हाळा स्पेशल चटणी तयार होते. ही चटणी भाकरी, पोळी किंवा साध्या वरण-भातासोबत खाल्ल्यास जेवणाची चव दुप्पट होते.