TRENDING:
स्टेचरवरून मैदानातून बाहेर नेण्यात आलं
बाउंड्री रोखण्याचा प्रयत्न करत असताना हुसेन तलत याच्या डाव्या खांद्याला दुखापत झाली. त्यावेळी तो वेदनेने कळवळला. दुखापत झाल्यानंतर हुसेन तलतला रुग्णालयात नेण्यात आलं. हाताला दुखापत झाली असताना त्याला स्टेचरवरून मैदानातून बाहेर नेण्यात आलं. बॉल अडवण्याच्या प्रयत्नात त्याचा पाय जाहिरात बोर्डाच्या फोम पॅडिंगवर पडला आणि तो वेगाने आदळला. डाव्या खांद्यावर जोरात पडल्यामुळे तो वेदनेने विव्हळत होता.
advertisement
पीसीबीने दिली अधिकृत माहिती
घटनेनंतर लगेचच पाकिस्तानचे खेळाडू आणि मेडिकल स्टाफ त्याच्या मदतीसाठी धावले. त्याची अवस्था पाहून त्याला मैदानाबाहेर नेण्यासाठी स्ट्रेचर मागवण्यात आले आणि तिथून थेट रुग्णवाहिकेतून हॉस्पिटलमध्ये नेण्यात आले. पाकिस्तान क्रिकेट बोर्डाने या प्रकरणावर अधिकृत माहिती दिली आहे. पाकिस्तान बोर्डाने सांगितलंय की, मैदानावर प्राथमिक उपचार केल्यानंतर त्याला पुढील तपासणीसाठी दाखल करण्यात आलं आहे.
डॉक्टरांच्या देखरेखीखाली उपचार सुरू
दरम्यान, तलक आगामी मॅच खेळेल की नाही, यावर अद्याप कोणतीही माहिती नाही. वैद्यकीय चाचणीनंतरच स्पष्ट होईल. सध्या डॉक्टरांच्या देखरेखीखाली त्याच्या विविध टेस्ट केल्या जात आहेत, असंही पाकिस्तान क्रिकेट बोर्डाने दिलेल्या निवेदनात म्हटलं आहे.