TRENDING:
वसीम अक्रमला मिठी
आर. प्रेमदासा स्टेडियममध्ये औपचारिक समारंभाच्या आधी म्हणजेच मॅच सुरू होण्यापूर्वी रोहित शर्मा पाकिस्तानचा माजी क्रिकेटपटू वसीम अक्रमला मिठी मारताना दिसला. सामन्यापूर्वीच्या समारंभात या दोघांनाही मिठी मारताना, हस्तांदोलन करताना आणि थोड्या गप्पा मारताना दिसले, हा हृदयस्पर्शी क्षण सोशल मीडियावर व्हायरल झाला. सोशल मीडयावर सध्या रोहित शर्माचं कौतुक होताना दिसत आहे. तर दुसरीकडे तो टीकेचा धनी झालाय.
advertisement
हँडशेक करण्यास नकार
भारत आणि पाक या सामन्यापूर्वी पाकिस्तानकडून बरीच वक्तव्यं झाली. आधी सामना बहिष्काराचा इशारा, त्यानंतर आयसीसीच्या फटकारणीनंतर माघार अशा सगळ्या घडामोडींनी वातावरण तापलं होतं. तर भारताने पाकिस्तानच्या प्लेयर्सला हँडशेक देखील करण्यास नकार दिला. त्यामुळे रोहितने गळाभेट घेणं चुकीचं होतं, असं काही नेटकऱ्यांचं म्हणणं आहे. पण क्रिकेटच्या भावनेतून रोहितने योग्य केलं, असं देखील म्हटलं जातंय.
रोहित शर्मा हा टी-ट्वेंटी वर्ल्ड कपचा ब्रँड अॅम्बासिटर आहे. त्यामुळे तो मुंबईवरून थेट श्रीलंकेला पोहोचला होता. मॅच झाल्यानंतर आता मुंबईला पुन्हा आपल्या घरी आला आहे.
दरम्यान, पाकिस्तानी स्पिनर्सच्या भीती घालून टीम इंडियाला कमकुवत करण्याचा डाव फसला. टीम इंडियाच्या बॅटर्सने आपल्या आक्रमक शैलीत 175 धावा स्कोरबोर्डावर उभा केल्या होत्या. त्याला प्रत्युत्तर देताना पाकिस्तानचा संघ 114 धावाच करू शकला.