TRENDING:
एमिलियाने रोहितला मागे टाकलं
एमिलिया केरने आता टी-20 आंतरराष्ट्रीय (पुरुष आणि महिला) लागोपाठ सर्वाधिकवेळा 30 किंवा त्यापेक्षा जास्त स्कोअर करण्याचा वर्ल्ड रेकॉर्ड केला आहे. एमिलियाने लागोपाठ 11 टी-20 आंतरराष्ट्रीय इनिंगमध्ये 30 किंवा त्यापेक्षा जास्त स्कोअर केला आहे. एमिलियाने श्रीलंकेची चमारी अटापट्टू आणि रोमानियाच्या रेबेका ब्लॅक (9 वेळा) यांचं रेकॉर्ड मोडलं आहे. पुरुष क्रिकेटमध्ये हे रेकॉर्ड संयुक्तरित्या रोहित शर्मा, मोहम्मद रिझवान आणि अभिषेक शर्मा यांच्या नावावर होतं, या तिघांनीही लागोपाठ 7 वेळा 30 किंवा त्यापेक्षा जास्तचा स्कोअर केला आहे.
advertisement
एमिलिया केरचा धमाका
मागच्या काही काळापासून एमिलिया केर उत्कृष्ट फॉर्ममध्ये आहे. मागच्या 11 इनिंगमध्ये एमिलियाने 140 पेक्षा जास्तच्या स्ट्राईक रेटने 669 रन केले आहेत. एमिलियाने दक्षिण आफ्रिका, ऑस्ट्रेलिया आणि झिम्बाब्वे या टीमविरुद्ध मोठा स्कोअर केला आहे, ज्यात दोन शतकं (105 रन आणि 101 रन) आहेत. बॅटिंगसोबतच एमिलियाने बॉलिंगमध्येही चमकदार कामगिरी करत 12 विकेट घेतल्या. एमिलिया महिला टी-20 आंतरराष्ट्रीयमध्ये एक हजार रन आणि 100 विकेट सगळ्यात जलद घेणारी पूर्ण सदस्य देशाची खेळाडूही बनली आहे.
न्यूझीलंडचा 4-1 ने ऐतिहासिक विजय
पाचव्या टी-20 सामन्यात एमिलिया केरच्या 105 रनच्या खेळीमुळे न्यूझीलंडने 194-6 चा मोठा स्कोअर उभारला, त्यामुळे दक्षिण आफ्रिकेला आणखी एका पराभवाचा धक्का लागला. न्यूझीलंडने 5 टी-20 मॅचची ही सीरिज 4-1 ने जिंकली. एमिलिया केरने सीरिजमध्ये 78, 32, 31 आणि 105 रनच्या खेळी केल्या, ज्यामुळे न्यूझीलंडला सीरिजमध्ये ऐतिहासिक विजय मिळवला.