TRENDING:
श्रेयस अय्यरची बहिण श्रेष्ठाचा व्हिडिओ
सोमवार, 6 एप्रिल रोजी ईडन गार्डन्सवर पंजाब किंग्स आणि कोलकाता नाईट रायडर्स यांच्यातील मॅच पावसाने धुवून निघाली. या मॅचनंतर श्रेयस अय्यरची बहिण श्रेष्ठाने एक व्हिडिओ शेअर केला, ज्यामध्ये तिने केलेल्या विधानामुळे केकेआरचे फॅन्स कमालीचे संतापले असून तिला मोठ्या प्रमाणावर ट्रोल केले जात आहे. तर पंजाबचे फॅन्स तिचा व्हिडीओ मोठ्या प्रमाणात शेअर करत आहेत.
advertisement
वादाला तोंड फुटलं
'आमच्या पंजाबच्या लोकांचे हृदय खूप मोठे असते, म्हणूनच आम्ही तुम्हाला 1 पॉइंट दिला,' असं श्रेष्ठाने आपल्या व्हिडिओमध्ये म्हटलं. तिच्या या मस्तीच्या करण्याच्या पद्धतीमुळे वादाला तोंड फुटलं आहे. श्रेष्ठा अय्यर ही एक व्यावसायिक डान्सर आणि कोरिओग्राफर असून ती अनेकदा स्टेडियममध्ये आपल्या भावाला सपोर्ट करताना दिसते. यंदाच्या सीझनमध्ये पंजाब किंग्सची टीम पॉइंट्स टेबलमध्ये टॉपवर आहे.
दोन्ही टीमला 1-1 पॉइंट
ईडन गार्डन्सवरील या मॅचमध्ये पावसाने व्यत्यय आणल्यामुळे दोन्ही टीमला 1-1 पॉइंट देण्यात आला. या एका पॉइंटमुळे अजिंक्य रहाणेच्या नेतृत्वाखाली खेळणाऱ्या कोलकाता नाईट रायडर्सचे यंदाच्या सीझनमध्ये खाते उघडले. केकेआरसाठी हा सीझन आतापर्यंत खूप कठीण गेला असून सुरुवातीच्या दोन्ही मॅचेसमध्ये त्यांना पराभवाचा सामना करावा लागला होता.