एसएलसीने एका निवेदनात म्हटले आहे की दासुन शनाकाला पाकिस्तान आणि झिम्बाब्वेचा समावेश असलेल्या तिरंगी मालिकेसाठी कर्णधार म्हणून नियुक्त करण्यात आले आहे, तर फास्ट बॉलर असित फर्नांडोची जागा पवन रत्नायकेने घेतली आहे. 'दोन खेळाडू मायदेशी परतत आहेत: कर्णधार चरिथ असलंका आणि फास्ट बॉलर असित फर्नांडो." दोघेही आजारी आहेत आणि घरी परततील. दोन्ही खेळाडू श्रीलंका, पाकिस्तान आणि झिम्बाब्वे यांच्यातील आगामी तिरंगी मालिकेत सहभागी होणार नाहीत', अशी पोस्ट श्रीलंका क्रिकेट बोर्डाने केली. या दोन्ही खेळाडूंच्या आजाराचं स्वरूप श्रीलंका क्रिकेट बोर्डाने उघड केलेले नाही.
advertisement
एसएलसीने म्हटले आहे की व्यस्त हंगामापूर्वी त्यांना योग्य वैद्यकीय मदत मिळावी म्हणून दोन्ही खेळाडूंना परत बोलावण्यात आले आहे. निवेदनात म्हटले आहे की, 'हा सावधगिरीचा निर्णय त्यांना योग्य उपचार मिळावे आणि भविष्यातील सामन्यांपूर्वी बरे होण्यासाठी पुरेसा वेळ मिळावा यासाठी घेतला गेला आहे.'
त्यात पुढे म्हटले आहे की, 'असलंकाच्या गैरहजेरीमध्ये दासुन शनाका श्रीलंकेच्या टीमचं नेतृत्व करेल, तर त्याच्या जागी पवन रत्नायकेची टी-20 टीममध्ये निवड करण्यात आली आहे'. इस्लामाबादमध्ये अलिकडेच झालेल्या प्राणघातक आत्मघाती हल्ल्यानंतर, सुरक्षेच्या कारणास्तव अनेक श्रीलंकेचे खेळाडू मायदेशी परतू इच्छित होते. पण, पाकिस्तान क्रिकेट बोर्ड (पीसीबी) प्रमुख मोहसिन नक्वी यांनी त्यांना कडक सुरक्षेचे आश्वासन दिल्यानंतर, श्रीलंकेने तिथेच राहण्याचा निर्णय घेतला.