Bihar Election Result 2025 LIVE: बिहारमध्ये NDAची Double Century, भाजप सर्वात मोठा पक्ष; इंडिया आघाडीची दाणादाण

Bihar Election Result 2025: बिहारमध्ये महाराष्ट्र पॅटर्न नाहीच! निकालाआधी भाजपने केली मोठी घोषणा

Bihar Election Result 2025: बिहारमध्ये मजमोजणीला सुरूवात झाली आहे. हाती आलेल्या पहिल्या कलानुसार एनडीए (NDA) आघाडी मारताना पाहायला मिळत आहे. बिहारच्या निकालात महाराष्ट्र पॅटर्न दिसण्याची शक्यता वर्तविली जात असताना निकलाआधीच भाजपने (BJP) मोठी घोषणा केली आहे. वाचा सविस्तर बातमी

नितीश कुमार यांच्या कुंडलीत 'राहू'! किंग की किंग मेकर होणार? Bihar Election बाबत प्रसिद्ध ज्योतिषाची मोठी भविष्यवाणी

Bihar Assembly Election 2025 Prediction : डॉ. श्रीपती त्रिपाठी यांनी याआधी केलेली काही भाकितं खरी ठरली आहेत. बिहारमधील प्रमुख नेत्यांच्या कुंडली आणि ग्रहस्थितींचा अभ्यास केल्यानंतर, त्यांनी भाकीत केलं आहे की या निवडणुकीत बदलाचे वारे दिसतील. सविस्तर वाचण्यासाठी क्लिक करा

Explainer: पीके है क्या? किंग मेकरने लिहली स्वत:च्या पराभवाची स्क्रिप्ट, प्रशांत किशोरचे रॉकेट टेकऑफपूर्वीच क्रॅश

Prashant Kishor Bihar Election: इतरांना जिंकवण्याची रणनीती उभी करणारे प्रशांत किशोर स्वतःच्या जन सुराज पक्षाला मतदारांच्या मनात स्थान मिळवून देण्यात अपयशी ठरले, असा चित्र समोर येत आहे. रणनीतिकार आणि प्रत्यक्ष राजकारणी बनण्यातील अंतर बिहारच्या मतदारांनी स्पष्टपणे दाखवून दिले आहे. सविस्तर वाचण्यासाठी क्लिक करा

विरोधक राहिले बाजूला, खरी लढत भाजप विरुद्ध JDU; बिहारमध्ये NDAची वाटचाल 200 जागांवर

बिहार निवडणुकीच्या निकालाचे कल जवळ जवळ स्पष्ट होत आहेत. राज्यात पुन्हा एकदा एनडीएचे सरकार येण्याची चिन्हे आहेत. दुपारी 12 वाजता BJPने 75, JDUने 76 जागांवर आघाडी घेतली होती. NDAची आघाडी 190च्या पुढे आहे. तर विरोधकांच्या आघाडीला फक्त 49 जागांवर आघाडी होती.

लालूप्रसाद यादव यांचे दोन्ही पुत्र पिछाडीवर, तेजस्वी यादव 1273 मतांनी, तर...

बिहार निवडणुकीचे निकाल आज जाहीर होत आहे. मतमोजणीला सुरूवात झाली असून सकाळी ११च्या सुमारास एक मोठी अपडेट समोर आली आहे. लालूप्रसाद यादव यांचे दोन्ही पुत्र त्यांच्या त्यांच्या मतदारसंघातून पिछाडीवर आहेत. तेजस्वी यादव 1273 मतांनी पिछाडीवर आहेत. तर तेजप्रताप यादव देखील पिछाडीवर आहेत. तेजप्रताप 10 हजाराहून अधिक मतांनी पिछाडीवर आहेत.

निकाल बिहारचे अन् शेअर बाजार कोसळला

देशभरात आज बिहार निवडणुकीच्या निकालाची चर्चा आहे. राज्यात पुन्हा एकदा एनडीए सरकार येणार असल्याची शक्यता दिसत आहे. सकाळी १० वाजता हाती आलेल्या कलानुसार एनडीएने १७१ जागांवर आघाडी घेतली होती. तर राजद-काँग्रेस महागठबंधनने ६८ जागांवर आघाडी घेतली होती. राज्यात पुन्हा एकदा एनडीए सरकार येण्याची शक्यता असताना शेअर बाजारात मात्र मोठा भूकंप झाला आहे.  निफ्टी, सेक्सेक्स या दोन्ही बाजारात मोठी घसरण झाली आहे. बिहारमध्ये पुन्हा केंद्रातील मोदी सरकारचा पाठिंबा असलेले सरकार सत्तेत येत असताना शेअर बाजारात त्याचे सकारात्मक संकेत मिळायला हवे होते. मात्र बाजारातील चित्र वेगळे आहे. अर्थात बाजारातील या घसरणीला निवडणुकांचे नाही तर जागतिक संदर्भ आहेत. सकाळपासूनच आशियाई बाजारपेठांमध्ये मोठी घसरण दिसून आली. अमेरिकेतील प्रमुख निर्देशांक – डाऊ (Dow), नैस्डॅक (Nasdaq), आणि एसअँडपी 500 (S&P 500) हे देखील 1.7% ते 2.3% पर्यंत घसरून बंद झाले. तंत्रज्ञान (टेक) क्षेत्रातील शेअर्समध्ये विक्रीचा आणखी एक टप्पा सुरू झाला. अमेरिकेच्या ‘फेडरल रिझर्व्ह’कडून व्याजदर कपातीबाबत (रेट कट) असलेल्या अनिश्चिततेमुळे (अनिश्चितता) गुंतवणूकदारांमध्ये चिंतेचे वातावरण होते.

Bihar Results: महाराष्ट्रात फेल… पण बिहारमध्ये धमाका, दोन्ही आघाड्यांना टेन्शन वाढले; AIMIMने राजकीय वारे बदलले

Bihar Election Results: महाराष्ट्रात प्रभाव पाडण्यात अपयशी ठरलेली AIMIM बिहारमध्ये मात्र मोठा उलथापालथ घडवतेय. सीमांचलच्या पाच महत्त्वाच्या जागांवर आघाडी घेत पक्षाने महागठबंधन आणि एनडीए दोघांचेही गणित विस्कटले आहे. वाचा सविस्तर बातमी

बिहारमध्ये पुन्हा नितीश कुमार मुख्यमंत्री भाजपची मोठी घोषणा

बिहारमध्ये मतमोजणीला सुरूवात होऊन दोन तास झाले आहे. सुरुवातीचे कल हे राज्यात पुन्हा एकदा एनडीएचे सरकार येणार असल्याचे दिसत आहे. अशात भाजपने राज्यात पुन्हा एकदा नितीश कुमार हेच नेतृत्व करतील असे स्पष्ट केले आहे.

मुजफ्फरपूरमधील ११ जागांवर कोणाचे वर्चस्व?

बिहार मुजफ्फरपूर जागांचे निकाल लाईव्ह अपडेट्स: निवडणूक आयोगाने आता बिहार विधानसभा निवडणुकीचे ट्रेंड देण्यास सुरुवात केली आहे. मुजफ्फरपूरमधील ११ विधानसभा जागांचे ट्रेंड आले आहेत. निवडणूक आयोगाच्या मते, मुजफ्फरपूरमधील बहुतेक जागांवर एनडीए आघाडीवर आहे. निवडणूक आयोगाच्या वेबसाइट (results.eci.gov.in) नुसार कोण किती जागांवर आघाडीवर आहे ते जाणून घ्या.

भाजप – ५ जागांवर आघाडीवर
राजद – २ जागांवर आघाडीवर
जेडीयू – १ जागेवर आघाडीवर
अपक्ष – १ जागेवर आघाडीवर
लोजप – २ जागांवर आघाडीवर

Bihar Election Result 2025 LIVE: बिहार निवडणूक निकाल results.eci.gov.in वर तपासा

२०२५ च्या बिहार निवडणूक निकालांचे सर्व ट्रेंड results.eci.gov.in वर उपलब्ध आहेत. बिहार विधानसभा निवडणुकीच्या निकालांमध्ये एनडीए बहुमताच्या जवळ पोहोचले आहे. बिहार निवडणूक निकालांमध्ये तेजस्वी यादव यांच्या महायुतीची मोठी घसरण दिसून येत आहे. सध्या, एनडीए ११६ जागांवर आघाडीवर आहे, बहुमतापासून फक्त सहा जागांनी कमी आहे, तर महायुती ५८ जागांवर पुढे आहे. प्रशांत किशोर यांचा जन सूरज दोन जागांवर आघाडीवर आहे. व्हीआयपींना अद्याप खाते उघडायचे नाही.

Bihar Result Live Updates: खेसारीलाल यांना मोठा धक्का, EVM मध्येही पिछाडी कायम

बिहार निवडणुकीच्या निकालांसाठी ईव्हीएमची मोजणी आता सुरू झाली आहे. सुरुवातीला पोस्टल मतपत्रिका मोजण्यात आल्या होत्या. आता ईव्हीएम देखील उघडण्यात आल्या आहेत. आतापर्यंत बिहारमध्ये १४० जागांसाठी ट्रेंड आले आहेत. ट्रेंडमध्ये एनडीएने लक्षणीय आघाडी घेतली आहे. सुरुवातीच्या ट्रेंडमध्ये एनडीए ८८ जागांवर आघाडीवर आहे, तर तेजस्वी यादव यांच्या नेतृत्वाखालील महाआघाडी ५१ जागांवर आघाडीवर आहे. छपरा येथे भाजपच्या छोटी कुमारी आघाडीवर आहेत, तर खेसारी लाल यादव पिछाडीवर आहेत. पटना येथे १४ पैकी ९ जागांवर एनडीए आघाडीवर आहे.

व्होटचोरीच्या आरोपाबाबत राहुल गांधींनी माफी मागवी- दिलीप जायसवाल

बिहारची जनता पंतप्रधान नरेंद्र मोदींवर विश्वास ठेवत पुन्हा एकदा एनडीएचीच सरकार बनवत असल्याचा विश्वास बिहारचे भाजप प्रदेशाध्यक्ष दिलीप जायसवाल यांनी व्यक्त केलाय…व्होटचोरीच्या आरोपाबाबत राहुल गांधींनी माफी मागवी अशी मागणीही त्यांनी केलीय…

बिहारमध्ये मतमोजणी पूर्ण होण्याआधीच विजयोत्सवाची तयारी

बिहारमध्ये मतमोजणी पूर्ण होण्याआधीच विजयोत्सवाची तयारी सुरु आहे..नितीश कुमारांची बहिण इंदु कुमारी यांनी नितीश कुमार पुन्हा मुख्यमंत्री होतील असा विश्वास व्यक्त केलाय..नितीश कुमारांनी जनतेसाठी जे काम केलंय..त्याची भेट बिहारची जनता नितीश कुमारांना देणारच असा विश्वास त्यांनी व्यक्त केलाय..

बिहारच्या जनतेनं नीतीश कुमार यांच्या नेतृत्त्वावर विश्वास ठेवलाय- अजय अलोक

भाजप नेते अजय अलोक यांनी विजयाचा दावा केलाय… दरम्यान बिहारच्या जनतेनं पंतप्रधान नरेंद्र मोदी आणि नीतीश कुमार यांच्या नेतृत्त्वावर विश्वास ठेवलाय असं अजय अलोक म्हणालेत…

बिहारमधील सर्वात मोठा कल, एनडीएचं शतक पार, महागठबंधनला मोठा धक्का

EVM उघडले आहेत. मात्र पोस्टल आणि बॅलेटपेपरच्या मतमोजणीमध्ये एनडीएने शतक पार केलं आहे. तर महागठबंधनला मोठा धक्का बसला आहे. नामांकीत जागांवर एनडीएच्या नेत्यांनी आघाडी घेतली आहे. खेसरीलाल मात्र अजूनही पिछाडीवर आहेत. EVM पावणार का ते पाहावं लागणार आहे.