Steve Bucknor : अखेर बकासुराने मान्य केली चूक! क्रिकेटच्या देवाचा सर्वात मोठा दुश्मन अखेर गुडघ्यावर, म्हणाला 'मला पश्चाताप होतोय...'

माझ्याकडून दोन मोठ्या चुका झाल्या - बकनर

माझ्याकडून दोन मोठ्या चुका झाल्या. जेव्हा तुम्ही एखाद्या मोठ्या खेळाडूच्या विरोधात चुकीचा निर्णय देता, तेव्हा तो तुमच्या मनात कायम घर करून राहतो, असं स्टिव बकनर म्हणाला. आता अनेक वर्षांनंतर, बकनर याने एका मुलाखतीमध्ये आपल्या त्या चुकांची कबुली दिली असून त्याने 'मानवी चूक' असं म्हणत आपल्याच चुकांवर पडदा टाकण्याचा प्रयत्न केलाय. त्यावेळी त्याने दोन आठवणी ताज्या केल्या.

advertisement

सचिनला चुकीच्या पद्धतीने आऊट दिलं

2003 साली ब्रिस्बेन टेस्ट सुरू असताना सचिनला चुकीच्या पद्धतीने आऊट देण्यात आलं होतं. जेसन गिलेस्पीच्या बॉलवर सचिनला चुकीच्या पद्धतीने LBW आऊट देण्यात आले होते. रिप्लेमध्ये स्पष्ट दिसत होते की बॉल स्टंप्सच्या खूप वरून जात होता. तरीही सचिनने शांतपणे मैदानातून बाहेर जाणे पसंत केले आणि आपल्या खेळाचा दर्जा जपला होता. पण 2005 साली बकनरने तीच चूक केली.

सचिनला कॅच आऊट दिलं

सिडनीमध्ये भारत आणि पाकिस्तान यांच्यात मॅच सुरू असताना जेव्हा पाकिस्तानच्या अब्दुल रज्जाकच्या बॉलवर सचिनला कॅच आऊट देण्यात आलं. खरं तर, बॉल बॅटला टचही न करता लांबून गेला होता, तरीही बकनर यांनी बोट वर केलं अन् सचिनविरुद्ध निर्णय दिला होता.

बकनरसोबत खटके उडाले

दरम्यान, 1992 मध्ये जोहान्सबर्ग येथे झालेल्या एका मॅचमध्येही बकनर यांनी सचिनला चुकीच्या पद्धतीने रन आऊट दिलं होतं. टीव्ही रिप्लेमध्ये सचिन नॉटआऊट असल्याचे दिसत असूनही, बकनर यांनी त्याला आऊट ठरवलं, ज्यामुळे क्रिकेट विश्वात खळबळ उडाली होती. तसेच एका सामन्यात सचिन 99 वर असताना बकनर याने सचिनला आऊट ठरवलं होतं. केवळ सचिनच नाही, तर इतर भारतीय खेळाडूंसोबतही बकनर यांचे खटके उडाले होते. सिडनी टेस्टच्या वादग्रस्त निर्णयांनंतर बीसीसीआयने आयसीसीकडे अधिकृत तक्रार केली होती. भारतीय टीमच्या वाढत्या दबावामुळे आयसीसीला अखेर स्टीव्ह बकनर यांना पुढच्या मॅचमधून हटवावे लागले होते.