The Hundred Auction : शाहरुख खाननंतर काव्या मारनला 'जोर का झटका', पाकिस्तानी अबरारला संघात घेतल्यानंतर सनरायझर्सवर मोठी कारवाई!

काव्या मारनवर मोठ्या प्रमाणात टीका

सनराझर्सने अबरारला 255,000 डॉलर्सच्या या मोठ्या रकमेत खरेदी केलं आहे. त्यानंतर सोशल मीडियावर काव्या मारनवर मोठ्या प्रमाणात टीका झाली. काव्याने बीसीसीआयचा अलिखित नियम मोडलाय, अशी चर्चा सोशल मीडियावर सुरू झाली होती. लिलावाच्या टेबलवर मुख्य कोच डॅनियल व्हिटोरी याच्यासोबत काव्या मारन देखील होती. त्यावेळी तिने विरोध का केला नाही? असा सवाल विचारला जातोय. अशातच आता सनरायझर्सला मोठा फटका बसला आहे.

advertisement

ट्विटर अकाउंट अचानक सस्पेंड

अबरारला संघात घेतल्याच्या वादाच्या पार्श्वभूमीवर सनरायझर्स लीड्सचे अधिकृत X (ट्विटर) अकाउंट अचानक सस्पेंड करण्यात आलं आहे. प्लॅटफॉर्मने याचे नेमकं कारण स्पष्ट केलं नसलं तरी, नियमांचे उल्लंघन झाल्याचा संदेश तिथं दिसत आहे. अबरार अहमदच्या निवडीनंतर अवघ्या काही तासांतच हे अकाउंट बंद झाल्यामुळे सोशल मीडियावर उलटसुलट चर्चांना उधाण आलंय.

लीड्स फ्रँचायझीची पूर्ण मालकी

गेल्या वर्षी नॉर्दर्न सुपरचार्जर्स म्हणजेच आताच्या लीड्स फ्रँचायझीची पूर्ण मालकी सन टीव्ही या भारतीय माध्यम समूहाने मिळवली होती. सन टीव्हीने इंग्लीश क्रिकेट बोर्डाकडून 49 टक्के आणि यॉर्कशायरकडून उर्वरित 51 टक्के हिस्सेदारी खरेदी केली होता. त्यामुळे त्यांन या डीलचा मोठा फायदा होईल, अशी शक्यता देखील वर्तविली जात होती. अशातच आता एका पाकिस्तानी खेळाडूमुळे त्यांचं ट्विटर अकाऊंट बंद झालं आहे.

शाहरुख खानने घेतला होता मोठा निर्णय

दरम्यान, काव्या मारनप्रमाणे शाहरुख खानला देखील मोठी धक्का बसला होता. शाहरुख खान याला देखील मुस्ताफिजूर रहमान याला केकेआरमध्ये घेतल्याने टीकेचा सामना करावा लागला होता. बांग्लादेशमध्ये हिंदूंवरील अत्याचार प्रकरणानंतर शाहरुख खानच्या केकेआर फ्रँचायझीला मोठा निर्णय घ्यावा लागला होता. केकेआरने मुस्ताफिजूर रहमान याला संघाबाहेर केलं होतं. अशातच आता काव्याला देखील मोठा निर्णय घ्यावा लागू शकतो.