TRENDING:
विजयानंतर वरुण चक्रवर्तीने इंस्टाग्रामवर अनेक फोटो शेअर केले, ज्यामध्ये तो वर्ल्ड कप ट्रॉफीसोबत दिसत होता. पण, त्याने एक मजेदार फोटो देखील शेअर केला, ज्यामध्ये तो टी-20 वर्ल्ड कप ट्रॉफी हातात घेऊन कपमधून चहा पिताना दिसत होता. त्याची पोस्ट सोशल मीडियावर झपाट्याने व्हायरल झाली. चाहत्यांनी लगेचच फोटोवर पाकिस्तानची खिल्ली उडवणाऱ्या मजेदार कमेंट्स पोस्ट करण्यास सुरुवात केली.
advertisement
आशिया कपनंतरही पाकिस्तानवर निशाणा
वरुण चक्रवर्तीने आशिया कप 2025 नंतर अशीच एक पोस्ट शेअर केली होती, जेव्हा भारताने पाकिस्तानला हरवून जेतेपद जिंकले होते. त्या स्पर्धेदरम्यान, भारतीय खेळाडूंनी पीसीबी प्रमुख आणि आशिया कप काऊन्सिलचे अध्यक्ष मोहसीन नक्वी यांच्याकडून ट्रॉफी स्वीकारण्यास नकार दिला, ज्यामुळे नक्वी ट्रॉफी घेऊन मैदानाबाहेर पळून गेले. दुसऱ्या दिवशी, चक्रवर्तीने ट्रॉफीऐवजी चहाचा कप हातात घेऊन बेडवर पडलेला स्वतःचा फोटो शेअर केला.
नंतर एका मुलाखतीत, चक्रवर्तीने खुलासा केला की त्याने सुरुवातीला ट्रॉफीसह बेडवर सेलिब्रेशन फोटो काढण्याची योजना आखली होती, पण जेव्हा ट्रॉफी उपलब्ध नव्हती, तेव्हा त्याने कप घेऊन तीच पोज देण्याचा निर्णय घेतला. 'मला माहित होते की आपण जिंकणार आहोत. दुसऱ्या सामन्यानंतर, मला खात्री होती की जर आपण फायनलमध्ये त्यांच्याविरुद्ध खेळलो तर आपण जिंकू, म्हणून मी सर्व काही नियोजन केले होते. मी ट्रॉफीसह झोपून फोटो काढण्याची योजना आखली होती, पण सामन्यानंतर, माझ्याकडे कपशिवाय काहीही नव्हते, फक्त एक कॉफी कप होता, म्हणून मी तेच वापरले', असं वरुण म्हणाला होता.
वर्ल्ड कपमध्ये वरुण अपयशी
टी-20 वर्ल्ड कपमध्ये वरुण चक्रवर्तीची कामगिरी निराशाजनक झाली. वरुणने 31 ओव्हर बॉलिंग केली ज्यात त्याने 287 रन देऊन 14 विकेट घेतल्या. वरुण संयुक्तपणे सर्वाधिक विकेट घेणारा बॉलर ठरला असला तरी त्याने बऱ्याच रन दिल्या. वरुणची वर्ल्ड कपमधील कामगिरी चढ-उतार असणारी होती, पण वर्ल्ड कप जिंकल्यानंतर वरुणने फोटो पोस्ट करून पुन्हा एकदा पाकिस्तानवर पलटवार केला आहे.