TRENDING:
किवी संघाविरुद्ध रेकॉर्ड्स खालावलं
जसप्रीत बुमराहने क्रिकेटच्या तिन्ही फॉरमॅटमध्ये आपली धाक निर्माण केली असली, तरी किवी संघाविरुद्ध त्याचे रेकॉर्ड्स थोडं खालावलेलं दिसतं. आकडेवारीनुसार, बुमराहचा जो नैसर्गिक दबदबा इतर टीम्सवर असतो, तो न्यूझीलंडसमोर कमी होताना दिसतो. टेस्ट असो वा वनडे, बुमराहचा बॉलिंग एव्हरेज आणि स्ट्राईक रेट न्यूझीलंडविरुद्ध अचानक खेळताना वाढतो, म्हणजेच बुमराहला विकेट्स मिळवण्यासाठी जास्त संघर्ष करावा लागतो.
advertisement
बुमराहचा चिंतेचा विषय
जर आपण सविस्तर आकडेवारी पाहिली, तर टेस्टमध्ये बुमराहचा करिअर एव्हरेज 19.79 आहे, जो न्यूझीलंडविरुद्ध थेट 45.44 वर पोहोचतो. वनडेमध्ये देखील हीच परिस्थिती असून 23.55 वरून हा एव्हरेज न्यूझीलंडविरुद्घ 39.20 होतो. टी-ट्वेंटी फॉरमॅटमध्येही त्याचे करिअर आकडे 18.57 वरून न्यूझीलंडविरुद्घ 23.37 पर्यंत जातात. तसेच त्याचा स्ट्राईक रेट देखील न्यूझीलंडविरुद्ध खेळताना वाढलेला दिसून येतो, जो भारतीय फॅन्ससाठी चिंतेचा विषय ठरू शकतो.
जुने रेकॉर्ड्स मोडीत काढण्यासाठी सज्ज
दरम्यान, भारतीय खेळपट्ट्यांवर बुमराहने न्यूझीलंडविरुद्ध 8 मॅचेसमध्ये 8 विकेट्स घेतल्या आहेत. इथे त्याचा एव्हरेज 28.25 असून इकोनॉमी रेट 7.79 राहिला आहे. या स्पर्धेत बुमराह जबरदस्त फॉर्ममध्ये आहे. त्याने आतापर्यंत 7 मॅचेसमध्ये 15.90 च्या सरासरीने 10 विकेट्स घेतल्या आहेत. त्याचा इकोनॉमी रेट 6.60 असून तो भारतासाठी सर्वात यशस्वी ठरला आहे. न्यूझीलंड हा एकमेव असा संघ आहे ज्यांच्याविरुद्ध बुमराहचे आकडे थोडे खालावलेले दिसतात. मात्र, अहमदाबादचे नरेंद्र मोदी स्टेडियम हे त्याचे घरचे मैदान असल्याने तो आज जुने रेकॉर्ड्स मोडीत काढण्यासाठी सज्ज असेल.