IPL 2026 : सरकारी नोकरीचं लेटर घेऊन पोहोचले योगी आदित्यनाथ, पण रिंकू आलाच नाही, भर कार्यक्रमात CM म्हणाले...

काय म्हणाले योगी आदित्यनाथ?

रिंकू सिंग याला क्रीडा अधिकारी म्हणून नियुक्तीचं पत्र मिळणार होतं. मुख्यमंत्री योगी आदित्यनाथ यांनी स्वत: रिंकू सिंग नियुक्ती पत्र घ्यायला का आला नाही? याचं कारण सांगितलं. रिंकू सिंग हा कॅम्पमध्ये बिझी आहे, त्यामुळे तो नियुक्ती पत्र घ्यायला येऊ शकला नाही, असं योगी आदित्यनाथ म्हणाले. आयपीएल 2026 मध्ये रिंकू केकेआरकडून खेळणार आहे, यासाठी तो केकेआरच्या टीममध्येही पोहोचला आहे. एवढंच नाही तर त्याची केकेआरचा उपकर्णधार म्हणूनही नियुक्ती करण्यात आली आहे.

advertisement

रिंकू सिंग काय काम करणार?

रिंकू सिंग याची रिजनल स्पोर्ट्स ऑफिसर (आरएसओ) म्हणून नियुक्ती करण्यात येणार आहे. यात रिंकूचं मुख्य काम क्रीडा उपक्रमांचे व्यवस्थापन करणं असणार आहे. विभागीय स्तरावर क्रीडा स्पर्धांचं आयोजन करणे, खेळाडूंच्या प्रशिक्षणाचे नियोजन आणि अंमलबजावणी करणे. स्टेडियम, वसतीगृह व्यवस्थापन आणि अर्थसंकल्प यांच्यासारख्या प्रशासकीय कामांवर देखरेख ठेवणे, तसंच कर्मचाऱ्यांना अहवाल देणे आणि खेळासंबंधीत सरकारी धोरणांची अंमलबजावणी करणे, ही कामं रिंकू सिंगला करावी लागणार आहेत.

रिंकूला किती पगार मिळणार?

आरएसओ हे पद उत्तर प्रदेश सरकारमधील ग्रुप बी पद आहे. या पदासाठी 50 हजार ते 1 लाख रुपये पगार मिळतो. तसंच घरभाडे भत्ता (HRA), वैद्यकीय सुविधा, सरकारी वाहन आणि प्रवास भत्ता यासारखे फायदे मिळतात.