TRENDING:
वैभव सू्र्यवंशी बोर्डाची परीक्षा बुडवून आयपीएल 2026 प्रॅक्टीससाठी राजस्थान रॉयल्सच्या कॅम्पमध्ये पोहोचला होता. नागपूरमध्ये यावेळी त्यांचे प्रॅक्टीस सेशन पार पडलं होतं. या प्रॅक्टीस सेशननंतर तो डीवाय पाटील टी20 लीगमध्ये सामील झाला होता. आता या लीगमध्ये तो धावांचा पाऊस पाडतो आहे.
खरं तर डीवाय पाटील टी20 लीगमध्ये इनकम ट्रॅक्सच्या टीमने प्रथम फलंदाजी करताना 211 धावा केल्या होत्या. या लक्ष्याचा पाठलाग करताना डिवाय पाटील ब्लू संघाकडून वैभव सूर्यवंशीने वादळी खेळी केली होती. वैभव सूर्यवंशीने यावेळी 19 बॉलमध्ये 58 धावांची धुवाधार खेळी केली होती. या खेळी दरम्यान त्याने 4 चौकार आणि 6 षटकार मारले होते. वैभव सुर्यवंशीने यावेळी गोलंदाजी करताना शाहबाज अहमद आणि पार्थ रेखाडे यांना फोडून काढलं होतं.
वैभव बाद झाल्यानंतर मॅच फसेल असे वाटत होते. पण कॅप्टन शशांक सिंहने डाव सावरत 32 बॉलमध्ये 53 धावांची खेळी करून 4 विकेटने सामना जिंकला होता. या विजयाने कॅप्टन राहुल तेवतियाच्या 83 धावांच्या झुंजार खेळीवर पाणी फिरले होते.
बोर्डाची परीक्षा का बुडवली?
सीबीएससीच्या दहावीच्या बोर्डाच्या परिक्षेला 17 फेब्रुवारी 2026 पासून सूरूवात झाली होती. आणि ही परीक्षा 11 मार्च 2026 पर्यंत असणार आहे. या परीक्षेच्या पहिल्याच दिवशी वैभव सूर्यवशी परिक्षेला हजर नव्हता.वैभवने त्याच्या बोर्डाच्या परिक्षेचा फॉर्म सबमीट केला होता आणि त्याचं हॉलतिकीट देखील त्याला देण्यात आलं होतं. पण तो परीक्षा केंद्रावर आलाच नाही. त्यामुळे आम्ही सीबीएससीच्या नियमानुसार त्याला गैरहजर मार्क केले आहे, असे पोदार इंटरनेशनल स्कुलचे प्रिंसिपल एनके सिन्हा यांनी सांगितले आहे.
वैभल सूर्यवंशीच्या वडिलांनी सोडलं मौन
दरम्यान या सगळ्या घडामोडीनंतर आता वैभव सूर्यवंशींच्या वडिलांनी यावर मौन सोडलं आहे.वैभव सू्र्यवंशीने जर बोर्डाची परीक्षा दिली तर त्याला क्रिकेटवर लक्ष केंद्रीत करता येणार नाही आहे.आणि माझा मुलगा खूप हुशार आहे पण त्याचं संपूर्ण लक्ष आता क्रिकेटकडे आहे असे देखील संजीव सूर्यवंशी यांनी सांगितले.
वैभव अभ्यासात हुशार आहे त्याला प्रत्येक विषयात 90 टक्के मिळतात, पण सध्या क्रिकेट गरजेच आहे,असे संजीव सूर्यवंशी सांगतात. त्यामुळे एकंदरीत त्याने आयपीएलसाठी आपली बोर्डाची परीक्षा सोडली आहे.