आयफोन 16 मध्ये एक नवं फीचर मिळणार आहे. या फीचरमध्ये तुम्ही कॅमेऱ्याने एखादी गोष्ट स्कॅन करून त्याची माहिती मिळवू शकता. जर तुम्ही नव्या रेस्टॉरंटपासून जात असाल तर कॅमेरा रेस्टॉरंटच्या दिशेने करून तुम्ही माहिती मिळवू शकता. रेस्टॉरंट कधी उघडतं, तिथे काय मिळतं याची माहिती मिळू शकेल.
सिरीमध्ये नवं अपडेट
एआय टेक्नॉलॉजीमुळे सिरी आणखी स्मार्ट बनलं आहे. सिरीमध्येही नवे अपडेट आले असून एपल पुढच्या काही महिन्यात अनेक देशांमध्ये एआय फीचर सर्वांसाठी उपलब्ध करून देईल. पुढच्या वर्षी यामध्ये वेगवेगळ्या भाषाही मिळतील.
advertisement
Apple Event 2024: आयफोन 16 चा जबरदस्त लूक आला समोर! फीचर्सही भारी, किंमत किती?
बेस मॉडेलची किंमत किती
आयफोन १६ च्या बेस मॉडेलमध्ये १२८ जीबी स्टोरेज असणार आहे. याशिवाय २५६ आणि ५१२ जीबी स्टोरेज व्हेरिअंटमध्येही फोन उपलब्ध असेल. आयफोन १६ प्लसच्या बेस मॉडेलची किंमत ८९९ डॉलर म्हणजेच ७५ हजार रुपये इतकी असेल. याचे स्टोरेज १२८ जीबी असणार आहे. आयफोन १६ प्लसमध्ये ५१२ जीबी पर्यंत स्टोरेजचे व्हेरिअंट आहेत.
इतर फोनच्या तुलनेत दुप्पट भक्कम
आयफोन 16 नव्या सिरॅमिक शील्ड ग्लाससह मिळतो. आधीच्या आयफोनच्या तुलनेत ५० टक्के जास्त मजबूत असा हा फोन आहे. तसंच इतर फोनच्या तुलनेत दुप्पट मजबूत असल्याचा दावा कंपनीने केला आहे.
नवं एआय फीचर
Apple चं नवं AI फीचर, आयओएस 18 बीटामध्ये मिळणार आहे. हे फीचर सध्या काही देशांमध्ये ट्रायलसाठी उपलब्ध आहे. या फीचरमुळे iPhone आणि iPad स्मार्ट बनतील. Apple ने म्हटलं की, हे फीचर तुमचं काम समजून घेण्यासाठी आणि तुम्हाला गरजेची माहिती देण्यास मदत करेल.