पश्चिम रेल्वेचा मोठा निर्णय, विरार ते सुरत थेट मेमू, प्रवाशांना दिलासा, पाहा वेळापत्रक

नवीन वेळापत्रक जाहीर

पश्चिम रेल्वेचे मुख्य जनसंपर्क अधिकारी विनीत अभिषेक यांनी दिलेल्या माहितीनुसार गाडी क्रमांक 69141 विरार-सुरत मेमू ही सकाळी 5.15 वाजता विरार स्थानकावरून सुटेल आणि सकाळी 10.30 वाजता सुरत येथे पोहोचेल. तसेच गाडी क्रमांक 69142 सुरत-विरार मेमू ही सायंकाळी 5.30 वाजता सुरतहून सुटून रात्री 11.30 वाजता विरारला पोहोचेल.

याआधी हीच गाडी दोन टप्प्यांत चालवली जात होती. विरार-संजाण आणि संजाण-सुरत असे दोन वेगळे क्रमांक देण्यात आले होते. संजाण स्थानकात पाच मिनिटांचा थांबा असल्याने अनेक प्रवाशांना गोंधळ,गैरसोय आणि वेळेचा त्रास सहन करावा लागत होता. विशेषतहा नवीन प्रवाशांसाठी ही व्यवस्था त्रासदायक ठरत होती.

advertisement

आता थेट विरार-सुरत आणि सुरत-विरार अशी एकाच टप्प्यातील सेवा सुरू झाल्याने प्रवाशांना मोठा दिलासा मिळाला आहे. मात्र या गाडीचे अंतर सुमारे 207 किलोमीटर असल्याने या मेमू गाडीचे तिकीट सामान्य पॅसेंजर ट्रेनप्रमाणे असावे अशी मागणी प्रवाशांकडून होत आहे.