TRENDING:
कोंबडीचं भांडण जिवावर बेतलं
मिळालेल्या माहितीनुसार, पीडित महिला आणि जोहरा बानो तसेच तिच्या दोन सहकाऱ्यांमध्ये कोंबडीच्या कारणावरून वाद झाला. त्यानंतर हा वाद वाढत जाऊन त्याचे रूपांतर मारहाणीत झाले. याच दरम्यान आरोपी महिलांनी पीडितेच्या पोटात लाथ मारल्याचा आरोप आहे. त्यानंतर पीडितेला तीव्र पोटदुखी सुरू झाली आणि रक्तस्त्राव होऊ लागला. तातडीने तिला रुग्णालयात दाखल करण्यात आले. मात्र उपचारादरम्यान तिचा गर्भपात झाल्याचे डॉक्टरांनी सांगितले.
advertisement
या घटनेनंतर पीडित महिलेने 21 फेब्रुवारी रोजी शांतीनगर पोलिस ठाण्यात तक्रार दाखल केली. तक्रारीच्या आधारे पोलिसांनी जोहरा बानो आणि इतर दोन महिलांविरुद्ध गुन्हा नोंदवला आहे. पुढील तपास सुरू असून पोलिस अधिक माहिती घेत आहेत.
या घटनेमुळे परिसरात खळबळ उडाली असून किरकोळ कारणावरून वाढणाऱ्या वादांमुळे गंभीर परिणाम होऊ शकतात याची पुन्हा एकदा जाणीव झाली आहे.