कायको आँख मै मिर्ची डाल रही है... शेजारच्या महिलेला 'मम्मा' म्हटल्याने मुलीच्या डोळ्यात मिरची पावडर टाकली

समोर आलेल्या माहितीनुसार, व्हायरल झालेल्या व्हिडीओमधील तीन वर्षांच्या मुलीला या कुटुंबाने दत्तक घेतले आहे. घटनेच्या दिवशी या चिमुकलीने सहजपणे शेजारच्या एका महिलेला 'मम्मा' म्हणून हाक मारली. या एका शब्दाने आरोपी महिला इतकी संतप्त झाली की, तिने माणुसकीच्या सर्व सीमा ओलांडल्या. तिला पुन्हा मम्मा म्हणशील का? तिला पप्पी देशील का? असे म्हणत या महिलेने लहान मुलीला बेदम मारहाण करण्यास सुरुवात केली.

advertisement

नको... नाही.. म्हणत होती पण... 

महिलेचा संताप इतक्यावरच थांबला नाही. तिने चिमुकलीच्या डोळ्यांत आणि जिभेवर मिरचीची पूड टाकली. डोळ्यांची आग होत असल्याने ती लहान मुलगी रडत ओरडत होती, "नको... नाही..." म्हणून विनवणी करत होती, पण या उलट्या काळाजाच्या महिलेला तिची दया आली नाही. या उलट तिने मुलीला एका खोलीत कोंडून ठेवले. या घटनेचा व्हिडिओ घरातच असलेल्या एका इसमाने बनवला आहे.

कल्याणमध्ये संतापाची लाट उसळली 

व्हिडिओमध्ये हा इसम त्या महिलेला समजावताना दिसत आहे. 'कशाला तिच्या डोळ्यात मिरची टाकतेय? लहान मुलगी आहे ती, उद्या काही झालं तर आपण गोत्यात येऊ, असे तो सांगत होता. मात्र, रागाच्या भरात असलेल्या या महिलेने कोणाचेही ऐकले नाही. हा व्हिडिओ सोशल मीडियावर व्हायरल झाल्यानंतर कल्याणमध्ये संतापाची लाट उसळली आहे.

मुलांच्या सुरक्षेचा प्रश्न ऐरणीवर

दत्तक घेतलेल्या मुलांशी अशा प्रकारचे वर्तन करणे हा केवळ गुन्हा नसून तो सामाजिक कलंक आहे. या चिमुकलीवर ओढवलेला हा प्रसंग पाहून पोलिसांनी या प्रकरणाची दखल घेत आरोपी महिलेवर कठोर कारवाई करण्याची मागणी केली आहे. चिमुकलीला सुरक्षित स्थळी हलवावे आणि त्या निर्दयी महिलेला कायद्याचा धडा शिकवावा, अशी मागणी होत आहे.

हे ही वाचा :

15 वर्षाच्या विद्यार्थिनीसोबत नको ते कृत्य, 50 हजार मागितले अन्..., ठाण्यात संतापजनक प्रकार