TRENDING:
मंगळवारी सकाळी अंबरनाथ पश्चिमेतील वांद्रापाडा परिसरामधील ही घटना आहे. भटक्या कुत्र्याने 11 वर्षीय शाळकरी मुलीवर हल्ला केला होता. ती तिच्या 6 वर्षीय भावासोबत घरी परतत असताना तिच्यावर कुत्र्याने हल्ला केला. NCMIndia Council For Men Affairs ने शेअर केलेल्या व्हिडिओमध्ये, वंशिका नागर नावाची शाळकरी मुलगी तिच्या भावासोबत घरी जात असताना अचानक कुत्र्याने त्यांच्यावर हल्ला केला. दोघंही भाऊ- बहिण जात असताना, त्यांच्यावर कुत्र्याने हल्ला केला. अचानक पाठीमागून येऊन त्याने वंशिकावर हल्ला केला. या हल्ल्यामध्ये 11 वर्षीय मुलगी गंभीर जखमी झाली आहे. अचानक कुत्र्याने तिच्यावर अंगावर उडी मारल्यामुळे ती घाबरली होती. तिने त्याच्या तावडीतून पळण्याचा प्रयत्न सुद्धा केला, पण त्याने तिच्यावर हल्ला केला.
advertisement
कुत्र्याने शाळकरी मुलीवर हल्ला केल्यानंतर लगेचच ती फार जोरजोरात किंचाळली सुद्धा. तरीही कुत्र्याने तिला सोडलं नाही. अखेर तिथले काही स्थानिक लोकं तिच्या मदतीला आल्यानंतर कुत्र्याने तिकडून पळ काढला. दरम्यान, कुत्र्याने शाळकरी मुलीचा चावा घेतल्यानंतर लगेचच तिला परिसरातल्या एका रुग्णालयात उपचारासाठी दाखल करण्यात आले. गंभीर जखमी झालेल्या मुलीवर रूग्णालयामध्ये उपचार सुरू आहेत. मिळालेल्या माहितीनुसार, 11 वर्षीय शाळकरी मुलीवर सध्या अंबरनाथमधील एका रुग्णालयात उपचार सुरू आहेत. या घटनेमुळे रहिवाशांमध्ये भटक्या कुत्र्यांविषयी भीती आणि संताप निर्माण झाला असून, ते आता मोकाट कुत्र्यांच्या उपद्रवाला आळा घालण्यासाठी प्रशासनाकडून तात्काळ कारवाईची मागणी करत आहेत.
दरम्यान, अंबरनाथ नगरपालिकेच्या कर्मचाऱ्यांनी या घटनेनंतर वांद्रापाडा परिसरातील 18 मोकाट कुत्र्यांना पकडले असले तरी, मुलीवर हल्ला करणाऱ्या उपद्रवी कुत्र्याला अद्यापही ताब्यात घेतलेले नाही. अजूनही नगरपालिकेचे कर्मचारी त्या कुत्र्याच्याच शोधात आहेत. गेल्या काही दिवसांपासून परिसरामध्ये भटक्या कुत्र्यांचा उपद्रव बराच वाढला आहे. त्यामुळे नागरिकांकडून या भटक्या कुत्र्यांवर आळा घालण्याची मागणी केली जात आहे. दिवसेंदिवस अधिकाधिक भटक्या कुत्र्यांची संख्या वाढत आहे. भटक्या कुत्र्यांची संख्या लक्षात घेता, संख्या नियंत्रणात ठेवण्यासाठी नगरपालिकेने योग्य ती कारवाई करावी, अशी मागणी नागरिक करीत आहे.