नेते विनायक पांडे,यतीन वाघ,शाहू खैरे,दिनकर पाटील यांनी आज भाजप पक्षात भरती झाले.पण भाजपातील काही नेते मंडळी यावरुन नाराज आहेत असे दिसले. नाशिक मध्ये भाजप आमदार देवयानी फरांदे यांनी पत्रकारांशी बोलताना नाराजी व्यक्त केली आहे. त्या म्हणाल्या, "कार्यकर्ते वर्षानुवर्ष कामं करतात.निवडून येण्याचे संकेत आपल्याला दिसतात. पण बाहेरुन आलेला एक आणि त्याच्यासोबत तीन दिले तर पक्ष विजयी होईल."

महानगर पालिकेचं बिगुल वाजलं असून, आता प्रत्येक पक्षांची निवडणुकीसाठीची जोरदार तयारी सुरु आहे. त्यातच आता उपमुख्यमंत्री एकनाथ शिंदे यांच्या पक्षाच्या स्टार प्रचारकांची यादी जाहिर झाली आहे. सोबतच राष्ट्रीय प्रवक्त्या शायना एन.सी या स्टार प्रचारकांच्या यादीत समाविष्ट आहेत. त्यांनी विरोधी पक्षावर प्रहार करत आपलं मत मांडलं आहे.

सह्याद्री व्याघ्र प्रकल्पाच्या चांदोली अभायरण्यात निसर्गमुक्त करण्यात आलेली पाटण तालुक्यातील ढेबेवाडी खोऱ्यातील मांइंगडेवाडी गावात 'तारा' वाघीण संचार करताना दिसली. ती रस्त्यावर एसटीच्या समोर आली. त्यामुळे वाहनं थांबवण्यात आली. ही वाघीण रस्ता ओलांडून जंगलात गेली. पण सर्व नागरिकांमध्ये भितीचे वातावरण निर्माण झाले. पण हा मुक्त संचार पर्यावरणवादींसाठी दिलासादायक आहे.

बीडमधील ही धक्कादायक बातमी आहे. नगरपरिषद निवडणुकीत जिंकल्यावरुन संत नामदेव नगरमध्ये अजितपवार पक्षाच्या आरती बनसोडे नगरसेवकपदी विजयी झाल्या.निकालानंतर आरती बनसोडे यांचे दिर अजिंक्य बनसोडे यांच्या घरासमोर त्यांचे शेजारी कौशल्य म्हस्के या व्यक्तीने "तुझी भावजय निवडून कशी आली" असे म्हणत दुचाकीची तोडफोड केली.कोयता फिरवत दहशत माजवली. त्यानंतर आरोपीवर शिवाजीनगर पोलिसांनी गुन्हा दाखल करत त्याला अटक केली.

खंडाळा : नाताळानिमित्ताने सुट्टी असल्यामुळे मुंबई पुणे एक्स्प्रेस वेळेवर वाहतूक कोंडी झाली आहे. पुण्याकडे जाणाऱ्या लेनवर वाहनाच्या रांगा लागल्या आहेत. आज सकाळपासून पुणे लेनवर वाहनाच्या रांगा लागल्या आहे. नाताळ आणि नवीन वर्षाच सण साजरा करण्यासाठी पर्यटक घराबाहेर पडल्याने महामार्गावर वाहतुकीचा खोळंबा झाला आहे. महामार्ग पोलीस वाहतूक कोंडी सोडवण्यासाठी एक्सप्रेस वेवर दाखल दाखल झाले आहे. बोरघाटात ४ किमी पर्यंत वाहनांच्या रांगा लागल्या आहेत. (अनिस शेख, प्रतिनिधी)