Nagpur Election News : नगरसेवक म्हणून निवडून आल्यास प्रभागात अत्याधुनिक तंत्रज्ञानाच्या माध्यमातून रुग्णालय, ई-लायब्ररी उभारणे तसेच तरुणांच्या रोजगाराच्या प्रश्नांना प्राधान्य देऊन सोडवण्याचा प्रयत्न करणार असल्याचं भाजप उमेदवारांनी सांगितलं आहे. प्रभाग क्रमांक 28 मधील भाजप उमेदवार पिंटू झलके आणि किरण दातीर यांनी सकाळपासून जोरदार प्रचार रॅली काढत मतदारांशी थेट संवाद साधला. विकसित भागांसोबतच काही स्लॅम भागांचा समावेश असलेला हा प्रभाग आहे. गेल्या कार्यकाळात या प्रभागातील चारही नगरसेवक भाजपचे होते, मात्र यंदा भाजपने दोन नवीन चेहऱ्यांना संधी दिली आहे.

मुंबई : दादर येथील पौर्णिमा ठाकूर यांनी पर्यावरण संवर्धनाचा विचार करत स्वतःचा बांबू आर्ट्सचा व्यवसाय बंद करून कापडी बॅग्स विक्रीचा नवा व्यवसाय सुरू केला आहे. प्लास्टिकमुळे होणारे गंभीर दुष्परिणाम-मानव, प्राणी तसेच पर्यावरणावर होणारा धोका हे लक्षात घेऊन त्यांनी हा निर्णय घेतला.

सोलापुरात मोठी राजकीय घडामोड दिसत आहे. सोलापुरातील एकनाथ शिंदेंच्या सेनेतील संपर्क प्रमुख दादा पवार यांनी ठाकरेंच्या सेनेत प्रवेश केला आहे. प्रवेश करताना त्यांना अश्रू अनावर झाले.

मूड महापालिकांचा या शो मधून पुण्याच्या सर्व पक्षांच्या नेत्यांनी आणि कार्यकर्ते एकमेकांवर टीका करताना दिसत आहेत. त्यात एकाने म्हटले भाजपाचं काम असं आहे खोटं बोल पण रेटून बोल.

बीड : एकाच औषधाचा वारंवार वापर ही सध्या शेतीसमोरील गंभीर आणि दुर्लक्षित समस्या बनत चालली आहे. अनेक शेतकरी किडी आणि रोगांपासून पिकांचे संरक्षण करण्यासाठी सतत तेच कीटकनाशक किंवा बुरशीनाशक वापरतात. सुरुवातीला याचा परिणाम दिसून येतो. मात्र कालांतराने त्याचे दुष्परिणाम समोर येऊ लागतात. यामुळे केवळ पिकांचेच नव्हे, तर संपूर्ण शेती परिसंस्थेचे मोठे नुकसान होते आणि दीर्घकालीन उत्पादनक्षमतेवर विपरीत परिणाम होतो, अशी माहिती बीड जिल्ह्यातील कृषी अभ्यासक महादेव बिक्कड यांनी दिली.

मुख्यमंत्री देवेंद्र फडणवीस यांची नाशिकमध्ये प्रचार सभा झाली. तेव्हा त्यांनी ठाकरे बंधूंवर निशाणा साधला आहे. ते म्हणाले, "काल परवा 2 भाऊ आले पण श्रीरामालाच विसरले,जो राम का नही वो किसी काम का नही."