Video: घरासाठी पाया खणला पण बांधलं शिवमंदिर! काय झाला चमत्कार?

पुणे : पिंपरी-चिंचवड हे शहर औद्योगिक नगरी म्हणून ओळखलं जातं. मात्र याठिकाणी अनेक धार्मिक आणि वैशिष्ट्यपूर्ण मंदिरेही आहेत. त्यापैकीच एक म्हणजे चिखली-जाधववाडी परिसरातील 3,201 शिवलिंगांचे शिवमंदिर. या ठिकाणी एकाच ठिकाणी तब्बल 3,201 शिवपिंडींची स्थापना करण्यात आली आहे. मंदिराच्या मुख्यद्वारावर भगवान शिवशंकरांची मोठी मूर्ती आहे. तीन मजली या मंदिरावर कळसाऐवजी सुमारे 25 फूट उंचीची भव्य शिवपिंड बसवण्यात आली आहे. तसेच येथे 12 गुप्त ज्योतिर्लिंगांचीही स्थापना करण्यात आली आहे. हे मंदिर साकार होण्यामागे अद्भुत असा इतिहास आहे. या इतिहासाविषयी येथील पुजारी युवराज यांनी माहिती दिली आहे.