TRENDING:
मध्यपूर्वेतील संघर्ष आता एका भयानक वळणावर येऊन ठेपला आहे. इराणने बगदाद येथील अमेरिकन दूतावासाला लक्ष्य केले असून, दुसरीकडे इराणने संयुक्त अरब अमिरातीच्या (UAE) अत्यंत महत्त्वाच्या तेल प्रकल्पांवर ड्रोन हल्ले चढवले आहेत. या हल्ल्यांमुळे जागतिक तेल पुरवठ्यावर संकट निर्माण झाले असून युद्धाची ही ठिणगी आता संपूर्ण अरब जगताला कवेत घेत आहे.
advertisement
अमेरिकन दूतावासावर भीषण ड्रोन हल्ला
सोशल मीडिया प्लॅटफॉर्म 'X' वर समोर आलेल्या एका व्हिडिओनुसार, इराकची राजधानी बगदाद येथील अमेरिकन दूतावास परिसरात एक स्फोटक ड्रोन धडकले. दूतावासाच्या आवारात पडल्यानंतर या ड्रोनचा मोठा स्फोट झाला. याचा व्हिडीओ सोशल मीडियावर व्हायरल झाला आहे.
या हल्ल्याव्यतिरिक्त बगदादमधील अल-जादिरिया भागात एका घरावर मिसाइल हल्ला झाला, ज्यात दोन लोकांचा मृत्यू झाला आहे. एएफपीच्या वृत्तानुसार, मारले गेलेले लोक इराण समर्थित गटांचे सल्लागार असल्याची माहिती समोर आली आहे.
युएईमधील तेल टँकरवर इराणचे हल्ले...
दरम्यान सोमवारी, इराणने यूएईमधील 'फुजैराह ऑइल इंडस्ट्रीज' आणि अबू धाबीमधील 'शाह गॅस फील्ड'वर ड्रोन हल्ले केले आहेत. या हल्ल्यांमुळे दोन्ही ठिकाणी मोठी आग लागली असून ऑपरेशन्स तूर्तास बंद करण्यात आले आहेत. फुजैराह हे तेल निर्यातीसाठीचे महत्त्वाचे बंदर मानले जाते. या बंदरातून होर्मुजची सामुद्रधुनी वळसा घालून व्यापार करता येतो. इराणने आधीच होर्मुजची सामुद्रधुनी बंद केली असल्याने आता हा पर्यायी मार्गही हल्ल्यानंतर धोक्यात आला आहे.