TRENDING:
इस्रायल-अमेरिकेने इराण विरोधात युद्ध पुकारले आहे. इराणने इस्रायल-अमेरिकेच्या हल्ल्याला जोरदार प्रत्युत्तर दिले आहे. इराणे सौदी अरेबिया, बहरीन, कतार, संयुक्त अरब अमिराती आदी शेजारच्या देशांमध्ये असलेल्या अमेरिकेच्या लष्करी तळांना लक्ष्य केले आहे. आज पुन्हा एकदा इराणने संयुक्त अरब अमिरातीला लक्ष्य केल्याची चर्चा आहे. हा ड्रोन हल्ला इराणकडून थेट दुबईवर होता की अमेरिकन तळांना लक्ष्य करण्यासाठी होता, हे अद्याप स्पष्ट झाले नाही.
advertisement
नेमकी घटना काय?
दुबई मीडिया ऑफिसने दिलेल्या माहितीनुसार, विमानतळाच्या बाहेरील परिसरात हे दोन ड्रोन कोसळले. ड्रोन कोसळल्यामुळे झालेल्या अपघातात चार जण जखमी झाले. यामध्ये, १ भारतीय नागरिकासह २ घानाचे नागरिक आणि एका बांगलादेशी नागरिकाचा समावेश आहे. सर्व जखमींवर तातडीने वैद्यकीय उपचार करण्यात आले आहे.
विमान वाहतूक सुरळीत
घटनेनंतर तातडीने सुरक्षा यंत्रणांनी परिसराचा ताबा घेतला आणि तपास सुरू केला. ड्रोन कोसळले असले तरी विमानतळावरील कामकाज किंवा विमानांच्या उड्डाणांवर याचा कोणताही परिणाम झाला नाही. दुबई मीडिया ऑफिसने स्पष्ट केले आहे की, "विमानतळावरील एअर ट्रॅफिक पूर्णपणे सामान्य आहे आणि प्रवाशांना कोणताही धोका नाही."