ब्रेंट क्रूडच्या किमतीत एकाच दिवसात ५.७ टक्क्यांची झपाट्याने वाढ झाली. सकाळच्या सत्रातही २.६ टक्क्यांच्या वाढीसह व्यवहार होत होता. भारत हे जगातील सर्वात मोठ्या तेल आयातदार देशांपैकी एक असल्याने, आंतरराष्ट्रीय तेलदरात होणारी प्रत्येक वाढ थेट सामान्य नागरिकांच्या खिशाला फटका देते. त्यामुळे या आठवड्यात पेट्रोल-डिझेलसाठी ग्राहकांना जास्त पैसे मोजावे लागू शकतात.

अमेरिकेच्या हल्ल्यात मोठा ट्विस्ट, ट्रम्पचा वार फुसका; इराणने 2 दिवसांपूर्वीच गेम केला, 16 मालवाहक ट्रकचे गुपित समोर

advertisement

इतकंच नाही तर गॅस देखील दर वाढण्याची शक्यता आहे. त्यामुळे त्याचा फटका स्वयंपाक घरापासून ते अगदी प्रवास करणाऱ्या ऑटो रिक्षा, कार, टॅक्सीवरही होणार आहे. या युद्धामुळे होर्मुझ जलमार्गावर दबावही वाढला आहे. या मार्गावरून 20% कच्च्या तेलाचे व्यापार केले जातात. इराणकडून जर हा जलमार्ग काही काळ बंद ठेवला, तर पुरवठ्यावर त्याचा मोठा परिणाम होऊ शकतो. याचा सर्वात मोठा फटका आयातदार देशांना, विशेषतः भारतासारख्या विकासशील देशांना बसेल.

या घडामोडींमुळे भारतीय शेअर बाजारातही घसरणीचा कल पाहायला मिळाला आहे. गुंतवणूकदारांनी सावध पवित्रा घेतला असून, सोन्याच्या किंमतीतही वाढ होताना दिसत आहे. डॉलरच्या तुलनेत रुपया दबावात असल्याने, आयात खर्च आणखी वाढण्याची शक्यता आहे. क्रूड कंपन्यांचे शेअर, वाहनांचे शेअर्स, सध्या दबावात आहेत. डिफेन्स शेअर्सवरही विशेष लक्ष राहणार आहे.

अमेरिकेच्या हल्ल्याचा जगाला झटका, इराणचा भयानक निर्णय; Strait of Hormuz बंद, आता होणार महागाईचा महास्फोट

विश्लेषकांच्या मते, जर हे युद्ध दीर्घकाळ चाललं, तर भारतात केवळ इंधन दरच नव्हे तर खाद्यपदार्थ, वाहतूक आणि घरगुती खर्चही महाग होण्याची शक्यता आहे. सध्या केंद्र सरकारने दरवाढ टाळण्यासाठी सवलतीचं धोरण स्वीकारलं असलं, तरी इंधन कंपन्यांवरचा ताण वाढत आहे. इस्रायल-इराण संघर्ष भारतासाठी केवळ भू-राजकीय प्रश्न नाही, तर घरखर्च आणि महागाई वाढवणारा आर्थिक धोका ठरू शकतो.