TRENDING:
नेमकी घटना काय?
मिळालेल्या माहितीनुसार, ३१ मार्च रोजी संध्याकाळी ६ च्या सुमारास हे विमान क्रिमियाच्या आकाशात असताना त्याचा नियंत्रण कक्षाशी संपर्क तुटला. विमान बेपत्ता झाल्याचं लक्षात येताच शोध आणि बचाव पथक कामाला लागलं. काही तासांतच बचाव पथकाला विमानाचा ढिगारा सापडला, मात्र दुर्दैवाने विमानात असलेल्या कोणालाही वाचवण्यात यश आलं नाही.
रशिया आणि युक्रेनमध्ये सध्या युद्ध सुरू असल्यामुळे या विमानावर शत्रू राष्ट्राने हल्ला केला का? अशी शंका उपस्थित केली जात होती. मात्र, संरक्षण मंत्रालयाने स्पष्ट केलं आहे की, विमानाचे अवशेष पाहता त्यावर कोणताही हल्ला झाला नाही. तर विमानातील तांत्रिक बिघाडामुळेच हा अपघात झाल्याची शक्यता आहे.
advertisement
An-26 विमानाचा इतिहास
ज्या विमानाचा अपघात झाला, ते 'अँटोनोव्ह-२६' मॉडेल रशियाच्या ताफ्यातील जुनं आणि विश्वासार्ह मानलं जाणारं विमान आहे. या विमानांची निर्मिती १९६९ ते १९८६ या काळात युक्रेन येथील कारखान्यात करण्यात आली होती. रशियाने आतापर्यंत अशी एकूण १३९८ विमानं तयार केली असून ती हंगेरीपासून क्युबापर्यंत अनेक देशांना विकली आहेत.
मालवाहू आणि लष्करी वाहतुकीसाठी या विमानांचा मोठ्या प्रमाणावर वापर केला जातो. रशियाने या घटनेच्या उच्चस्तरीय चौकशीचे आदेश दिले आहेत. ऐन युद्धाच्या काळात २९ अनुभवी जवानांचा मृत्यू झाल्याने रशियन लष्कराचे मोठे नुकसान मानले जात आहे.