इराणचा सर्वात खतरनाक Counter Attack, एकाच वेळी 8 देशांवर हल्ला; दुबईवर क्षेपणास्त्र डागले, सौदीत एकाचा मृत्यू

माध्यमांच्या अहवालानुसार इराणने शेजारी देश संयुक्त अरब अमिरात (UAE) आणि बहरीनवरही क्षेपणास्त्र डागल्याचा दावा केला जात आहे. या कारवाईकडे थेट अमेरिकेचे राष्ट्राध्यक्ष डोनाल्ड ट्रम्प यांच्या धोरणाला दिलेले मोठे आव्हान म्हणून पाहिले जात आहे. ट्रम्प यांनी खाडी देशांना सुरक्षेची हमी दिली होती. मात्र या हल्ल्यांनंतर ही लढाई केवळ दोन देशांपुरती मर्यादित राहिलेली नसून संपूर्ण मध्यपूर्वेत मोठ्या युद्धाचे रूप धारण करत असल्याचे चित्र आहे.

advertisement

इराणचा खाडी देशांकडे थेट इशारा

UAE, बहरीन, कुवैत, कतार, ओमान, सौदी अरेबिया, जॉर्डन आणि इराक या देशांत अमेरिकेची महत्त्वाची लष्करी तळे आहेत. इराणने यापूर्वीच इशारा दिला होता की त्यांच्या भूमीवर हल्ला झाल्यास अमेरिकेला आश्रय देणाऱ्या देशांनाही लक्ष्य केले जाईल.

दुबई आणि मनामा (बहरीन)च्या बाहेरील भागात स्फोटांचे आवाज ऐकू आल्याच्या बातम्या समोर आल्या आहेत. मात्र या देशांकडे असलेल्या ‘पॅट्रियट’सारख्या प्रगत हवाई संरक्षण प्रणालींनी अनेक क्षेपणास्त्रे हवेतच नष्ट केल्याचे सांगितले जात आहे. तरीसुद्धा या घटनांमुळे गुंतवणूकदार आणि पर्यटकांमध्ये भीतीचे वातावरण निर्माण झाले आहे. रॉयटर्सच्या वृत्तानुसार इराणने स्पष्ट केले आहे की या युद्धाला कोणतीही मर्यादा नसेल आणि प्रत्युत्तर दीर्घकाळ चालू राहील.

 ट्रम्प आणि नेतन्याहूंची कठोर भूमिका

राष्ट्राध्यक्ष ट्रम्प यांनी यापूर्वी दावा केला होता की त्यांच्या दबावामुळे इराण बचावाच्या भूमिकेत आहे. मात्र या ताज्या प्रत्युत्तरात्मक हल्ल्यांमुळे इराण ‘आर-पार’च्या संघर्षासाठी सज्ज असल्याचे स्पष्ट झाले आहे.

दरम्यान इराणच्या चाबहार शहरावर झालेल्या हल्ल्यांनंतर परिस्थिती अधिकच गंभीर झाली आहे. इस्रायलचे पंतप्रधान Benjamin Netanyahu यांनी स्पष्ट शब्दांत सांगितले आहे की इराणमधील सत्ताबदल होईपर्यंत कारवाई सुरू राहील.

ट्रम्प यांनीही इशारा देत म्हटले आहे की, “सरेंडर करा, अन्यथा परिणामांना सामोरे जा.” या विधानांमुळे संघर्ष अधिक तीव्र होण्याची शक्यता वर्तवली जात आहे.

संपूर्ण मध्यपूर्वेत महायुद्धाची भीती

सध्याच्या घडामोडींमुळे हा संघर्ष आता केवळ इराण आणि इस्रायलपुरता मर्यादित नसून संपूर्ण खाडी प्रदेश आणि मध्यपूर्वेला वेढून टाकणाऱ्या व्यापक युद्धात परिवर्तित होण्याची शक्यता आहे. या परिस्थितीचा जागतिक अर्थव्यवस्था, तेलबाजार आणि आंतरराष्ट्रीय सुरक्षेवर मोठा परिणाम होऊ शकतो.