TRENDING:
इराणच्या साऊथ पार्स गॅस क्षेत्रावर अलीकडेच झालेल्या हल्ल्याबाबत स्पष्टीकरण देताना ट्रम्प म्हणाले की, "या हल्ल्यात अमेरिकेची किंवा कतारची कोणतीही भूमिका नव्हती. मध्यपूर्वेतील घडामोडींमुळे संतापलेल्या इस्रायलने हा हल्ला केला आहे. वॉशिंग्टनला (अमेरिका) या हल्ल्याची पूर्वसूचना देण्यात आली नव्हती." तसेच, या हल्ल्यात गॅस प्लांटच्या एका छोट्या भागालाच लक्ष्य करण्यात आले होते, असेही त्यांनी नमूद केले.
advertisement
ट्रम्प यांचा इराणला इशारा...
डोनाल्ड ट्रम्प यांनी आपल्या 'ट्रुथ सोशल' या सोशल मीडिया प्लॅटफॉर्मवर एक पोस्ट शेअर करत इराणला सुनावले आहे. ट्रम्प म्हणाले, "मला या स्तरावरील हिंसाचार किंवा विनाश मान्य करायला (Authorize) आवडणार नाही, कारण याचा इराणच्या भविष्यावर अतिशय वाईट परिणाम होईल. मात्र, जर कतारच्या एलएनजी सुविधांना पुन्हा लक्ष्य केले गेले, तर मी कठोर पाऊल उचलण्यास संकोच करणार नाही." अमेरिकेचे राष्ट्राध्यक्ष डोनाल्ड ट्रम्प यांनी इराणला कडक शब्दांत ताकीद दिली असून, जर इराणने कतारच्या नैसर्गिक वायू (LNG) प्रकल्पांवर पुन्हा हल्ला केला, तर अमेरिका इराणचे 'साऊथ पार्स' हे जगातील सर्वात मोठे गॅस क्षेत्र मोठ्या प्रमाणावर उद्ध्वस्त करेल, असा इशारा दिला आहे.
तर इस्रायलही हल्ले करणार नाही...
ट्रम्प यांनी संकेत दिले आहेत की, जोपर्यंत इराण कतारवर पुन्हा हल्ला करत नाही, तोपर्यंत इस्रायल गॅस क्षेत्रावर कोणतेही नवीन हल्ले करणार नाही. मात्र, इराणच्या एका चुकीच्या पावलामुळे संपूर्ण आखात युद्धाच्या ज्वाळांमध्ये होरपळू शकते, अशी चिन्हे दिसत आहेत.