19 वर्षांची अपूर्ण प्रतीक्षा
एका कपलच्य लग्नाला तब्बल 19 वर्षं होऊनही त्यांना मूल होत नव्हतं. नवऱ्याला अ‍ॅझोस्पर्मिया नावाची समस्या असल्यामुळे त्याच्या वीर्यात शुक्राणू सापडत नव्हते. ही अशी स्थिती आहे ज्यामध्ये सामान्य तपासणीत शुक्राणू शोधता येतच नाहीत. त्यामुळे 15 वेळा IVF करूनही हे जोडपं वारंवार अपयशी ठरत होतं.
याच टप्प्यावर कोलंबिया विद्यापीठातील तज्ज्ञांनी AI आधारित ‘STAR’ (Sperm Tracking and Recovery) तंत्रज्ञानाचा वापर केला. हे मशीन फक्त एका तासात तब्बल 80 लाख प्रतिमा तयार करतं आणि त्यातून अतिशय सूक्ष्म आणि लपलेले शुक्राणू शोधून काढतं. मानवी डोळ्यांना जे दिसत नाही, ते AI सहज ओळखतं.
advertisement
शोधलेले हे शुक्राणू मग विशेष प्रक्रियेद्वारे वेगळे करून IVF मध्ये वापरले गेले. यशस्वी प्रयोगांनंतर अखेर त्या महिलेला गर्भधारणा झाली. या संशोधनासाठी डॉक्टरांनी जवळपास 5 वर्षं मेहनत घेतली आणि त्याचा परिणाम म्हणजे एका जोडप्याचं 19 वर्षांचं अपूर्ण स्वप्न अखेर साकार झालं आणि हे शक्य झालं फक्त AI मुळे.