झाडू आपण कचरा काढून स्वच्छता करण्यासाठी करतो. तर चप्पल आपण पायात घालतो, जेणेकरून आपल्या पायाला कचरा, धूळ, माती, घाण किंवा आणखी काही लागू नये. तशा झाडू आणि चप्पल दोन्ही गोष्टी स्वच्छतेसाठी पण याचा एकत्र वापर होऊ शकतो याचा आपण विचारही कधी केला नव्हता. पण एका गृहिणीने ते केलं.
आता झाडूवर चप्पल मारल्याने नेमकं काय होतं, कोणत्या समस्येतून सुटका होते, कोणती झंझट संपते हे जाणून घेण्याची उत्सुकता तुम्हालाही असेल. चला तर मग पाहुयात झाडूवर चप्पल मारल्याने होतं काय.
advertisement
व्हिडीओत तुम्ही पाहू शकता महिला एका पिशवीतून झाडू काढते. तिनं नवीनच झाडू आणली आहे. या झाडूवर ती चप्पलेने मारते. झाडूच्या झुपक्यावर ज्याने आपण केर काढतो तिथं संपूर्ण ती हलक्या हाताने चपलेने मारताना दिसते. आता याचा फायदा काय, असा प्रश्न तुम्हाला पडला असेल.
Jugaad Video : दिवाळीची साफसफाई करण्याआधी झाडूला लावा लॉक; फायदा असा की चकीत व्हाल
तुम्हाला माहिती असेल नवीन झाडू आणल्यानंतर सर्वात मोठी समस्या असते ते त्यातून पडणारा डस्ट. कचरा करण्यासाठी आपण जी झाडू वापरतो त्याच झाडूच्या या डस्टमुळे कचरा होतो. किती तरी दिवस ही डस्ट झाडूतून पडते. त्यामुळे कचरा काढला तरी कचरा होतोच. याच समस्येवर हा उपाय आहे.
झाडूवर चप्पल मारल्याने त्यातील जितका डस्ट आहे, तितका सर्व बाहेर पडतो. पुन्हा नंतर जेव्हा तुम्ही झाडू माराल तेव्हा यातील डस्ट बिलकुल येणार नाही. एकदाच चप्पल मारल्यानंतर तुमची ही समस्या कायमची दूर होईल. अगदी कमीत कमी वेळात जास्तीत जास्त डस्ट झाडूतून बाहेर पडेल.
व्हिडीओत तुम्ही पाहू शकता महिलेने झाडूवर चप्पल मारल्यानंतर त्यातून किती डस्ट बाहेर पडला आहे. जर हा डस्ट तिनं एकाच वेळी अशा पद्धतीने काढला नसता तर तो दररोज पडत राहिला असता.
Jugaad Video : दिवाळीची साफसफाई करताना पंख्याला लावा पीठ आणि पाहा काय कमाल होते
Aysha's kitchen hacks युट्युब चॅनेलवर हा व्हिडीओ पोस्ट करण्यात आला आहे. तुम्ही हा उपाय करून पाहा आणि त्याचा परिणाम आम्हाला आमच्या सोशल मीडियाच्या कमेंट बॉक्समध्ये द्या.
(सूचना - हा लेख सोशल मीडियावरील व्हायरल व्हिडीओवर आधारित आहे. न्यूज18मराठीचा याच्याशी काहीही संबंध नाही. न्यूज18मराठी याची हमीत देत नाही.)