तुम्ही कधी चमच्याने लसूण सोलून पाहिली आहे का? वाचूनच तुम्हाला विचित्र वाटलं असेल. पण एका महिलेने चमच्याने 5 मिनिटांत किलोभर लसूण सोलता येईल असा दावा केला आहे. आता हे कसं शक्य आहे? असा प्रश्न तुम्हाला पडला असेल. महिलेने हे प्रत्यक्षात करून दाखवलं आहे.
Kitchen Jugaad Video : एका लाटण्याची कमाल, तब्बल 400 ग्रॅम लसूण फक्त 10 मिनिटांत सोला
advertisement
यासाठी काय करायचं आहे. तर एक कापड घ्या, कॉटन कपडा किंवा रूमाल वापरू शकता. एकदम मुलायम कपडा घ्यायचं नाहीये. जितकं खरखरीत कापड असेल तितकं चांगलं. आता चमच्यात तेल घ्या. चमचाभर तेल लसणीत टाकून सगळ्या लसणींना नीट हातांनी चोळून घ्या. आता हा तेल लावलेला लसूण तुम्ही घेतलेल्या कापडावर टाका. कापड गुंडाळून घ्या आणि पीठ मळतो तसं लसूण कापडामध्ये चोळून घ्या.
आता तुम्ही कापड उघडून पाहाल तर लसणीच्या साली निघालेल्या दिसतील, काही लसणीच्या साली सैल झालेल्या दिसतील ज्या तुम्ही हातांनी सहज काढू शकता. साली निघालेला लसूण हातांनी किंवा पाखडून काढून घ्या. आता ज्या लसणीच्या साली निघाल्या नसतील त्यासाठी पुन्हा हिच पद्धत वापरा.
झटपट लसूण सोलण्याशिवाय याचा फायदा म्हणजे लसूण सोलताना नखं खराब होतात किंवा नखांची आग होते, या समस्या उद्भवणार नाही. आणखी एक गोष्ट तुम्ही पाहिली असेल. लसूण सोलताना खूप कचरा होतो पण या पद्धतीने लसूण सोलाल तर बिलकुल कचरा होणार नाही.
Kitchen Jugaad Video : किचनमधील भांडी ठेवा फक्त एका बाटलीत
@Oveesketchen युट्युब चॅनेलवर हा व्हिडीओ पोस्ट करण्यात आला आहे. व्हिडीओवर चमच्याची कमाल! किलोभर लसूण सोला फक्त 5 मिनिटात, जादुई पद्धत, असं लिहिलेलं आहे. तुम्ही हा जुगाड करून पाहा आणि तुम्ही किती वेळात लसूण सोललात, तुम्हाला लसूण सोडण्याचा हा जुगाड कसा वाटला? किंवा लसूण सोलण्यासाठी तुम्ही कोणता जुगाड करता, आम्हाला आमच्या सोशल मीडियाच्या कमेंट बॉक्समध्ये नक्की सांगा.