TRENDING:
तिकिट बुक केल्यावर वेटिंग असेल तर किती वेटिंग आहे याची लिस्ट वेळोवेळी अपडेट होत असते. तुम्ही तिकीट बुक केल्यावर तुमच्या तिकीट कोडवरून चार्ट प्रीपेअर होण्याआधी तुमचं तिकीट कन्फर्म होणार की नाही हे जाणून घेऊ शकता. यासाठी तुम्हाला तुमच्या तिकिटावरचा कोड पाहावा लागेल. तिकिटावरच्या कोणत्या कोडचा अर्थ काय होतो आणि तो कोड असेल तर तिकीट कन्फर्म होण्याची शक्यता किती असते ते जाणून घेऊ या.
advertisement
कोणता आहे तो तिकिटावरील कोड?
RLWL - याचा अर्थ रिमोट लोकेशन वेटिंग लिस्ट असा होतो. तिकिटावर हा कोड असेल तर असं तिकीट कन्फर्म होण्याची शक्यता थोडी कमी असते.
PQWL - याचा अर्थ पूल्ड कोटा वेटिंग लिस्ट असा होतो. तिकिटावर हा कोड असेल तर ते तिकीट कन्फर्म होण्याची शक्यता खूपच कमी असते.
कॉमन कोड - वेटिंग लिस्टमधला सर्वांत कॉमन कोड GNWL असतो. याचा अर्थ जनरल वेटिंग लिस्ट असा होतो. असा कोड असलेली तिकिट्स कन्फर्म होण्याची शक्यता जास्त असते.
TQWL - याचा अर्थ तत्काल कोटा वेटिंग लिस्ट असा होतो. तत्काल कोटामध्ये तुम्ही रेल्वेचं तिकीट बुक केलं असेल; पण ते कन्फर्म न होता वेटिंगमध्ये असेल तर त्याला TQWL तिकीट म्हणतात. असं तिकीटही कन्फर्म होण्याची शक्यता खूपच कमी असते. कारण रेल्वेकडे या तिकिटांसाठी वेगळा कोटा नसतो.
RSWL - या कोडचा अर्थ रोड साइड स्टेशन वेटिंग लिस्ट असा होतो. ही तिकिट्सही कन्फर्म होण्याची शक्यता खूपच कमी असते.