अलिकडेच अमनने भंगारातून एक असं उपकरण बनवलं आहे, जे भविष्यात पहलगामसारखे दहशतवादी हल्ले रोखण्यासाठी खूप मदत करेल. पहलगाममधील दहशतवादी हल्ल्यानंतर अमनने एक सुरक्षा बंदूक प्रणाली (security gun system) तयार केली आहे, जी शत्रूंना 30 फुटांवरून ट्रॅक करेल आणि ते 13 फुटांच्या कक्षेत येताच स्वयंचलित गोळीबार सुरू करेल.
रात्री आणि कोणत्याही हवामानात काम करेल ही प्रणाली!
advertisement
माणसांव्यतिरिक्त, ही प्रणाली रोबोट आणि ड्रोन शोधण्यासही सक्षम आहे. अमनने सांगितलं की, हे उपकरण अशा प्रकारे डिझाइन केलं आहे की ते कोणत्याही हवामानात काम करू शकतं. रात्रीच्या अंधारात सीमेवर घुसखोरी करणाऱ्या दहशतवाद्यांना थांबवण्यासाठी ते उपयुक्त ठरेल. हे उपकरण चारही दिशांना लक्ष ठेवू शकतं आणि जगातली कोणतीही मशीनगन त्यात सहजपणे बसवता येऊ शकते. याची खास गोष्ट म्हणजे ते चालवण्यासाठी कोणत्याही माणसाची किंवा इतर उपकरणाची गरज नाही. अमनने हे उपकरण फक्त दोन दिवसांत तयार केलं आहे आणि त्याचा खर्च फक्त पाच हजार रुपये आहे.
त्याने यापूर्वीही केले आहेत अनेक शोध
मोबाईल ब्लूटूथवर चालणारे दोन रोबोट, दिव्यांगांसाठी सेन्सर्स असलेले चष्मे, रोबोटिक फायर फायटर आणि सैन्यासाठी स्वयंचलित बंदूक यांसारखे अनेक शोध त्याने यापूर्वीही लावले आहेत. अमन त्याच्या आई-वडील आणि बहिणीसोबत बांसवा गावात एका भाड्याच्या घरात राहतो. त्याचे वडील भाड्याच्या जागेवर एक हॉटेल किंवा ढाबा चालवतात. कुटुंबाची आर्थिक परिस्थिती चांगली नसल्यामुळे अमनने आठवीनंतर शिक्षण सोडलं होतं. यावर्षी त्याने खासगी माध्यमातून दहावीची परीक्षा पास केली. तो त्याच्या वडिलांना ढाब्यावर मदत करतो आणि फावल्या वेळेत भंगार वापरून नवीन गोष्टींचा प्रयोग करत असतो.
हे ही वाचा : सावधान! जुळ्या भावांसारखे दिसतात 'हे' 2 साप; एक बिनविषारी तर दुसरा विषारी; एक चूक अन् खेळ खल्लास!
हे ही वाचा : "हो, यानेच चावलंय मला...", व्यक्ती साप घेऊन पोहोचली दवाखान्यात, डाॅक्टरांची उडाली झोप! VIDEO