Chandra Grahan: कोणतं दिसणार, कोणतं नाही दिसणार? 2034 सालापर्यंतच्या चंद्रग्रहणांची सविस्तर यादी पाहा

Published by:Ramesh Patil

Last Updated:Mar 01, 2026 11:33 AM IST

Chandra Grahan 2026: जेव्हा चंद्र पृथ्वीच्या दाट छाये भोवतालच्या विरळ छायेत येतो, तेव्हा ‘छायाकल्प चंद्रग्रहण‘ दिसते. जेव्हा चंद्राचा थोडा भाग पृथ्वीच्या दाट छायेमध्ये येतो, तेव्हा ‘खंडग्रास चंद्रग्रहण‘ दिसते.

इम्पॅक्ट शॉटतुमचा गेटवे लेटेस्ट न्यूज

+ Follow usOn Google

मुंबई : यंदा धूलिवंदन दिवशी चंद्रग्रहण होणार असल्यानं सर्वांना उत्सुकता लागली आहे. 3 मार्च रोजी संध्याकाळी 3 ते 5 मिनिट चंद्रग्रहण पाहता येईल ते मुंबईसह महाराष्ट्रात दिसणार आहे. ग्रहण दिसणार असल्याने त्याविषयी विविध चर्चा सुरू आहेत. काही लोक यासंबधी धार्मिक नियम पाळतात. पण कोणत्याही अंधश्रद्धा पाळू नयेत असे ज्येष्ठ पंचागकर्ते दा.कृ सोमण यांनी सांगितले आहे. यासह चंद्रग्रहणासह येथून पुढे 2034 पर्यंत कधी-कधी चंद्रग्रहण लागणार आहे आणि कोणते दिसेल, कोणते दिसणार नाही, याची माहिती त्यांनी फेसबुक पोस्ट करून दिली आहे.

जेव्हा चंद्र पृथ्वीच्या दाट छाये भोवतालच्या विरळ छायेत येतो, तेव्हा ‘छायाकल्प चंद्रग्रहण‘ दिसते. जेव्हा चंद्राचा थोडा भाग पृथ्वीच्या दाट छायेमध्ये येतो, तेव्हा ‘खंडग्रास चंद्रग्रहण‘ दिसते. जेव्हा संपूर्ण चंद्रबिंब पृथ्वीच्या दाट छायेमध्ये येते तेव्हा ‘खग्रास चंद्रग्रहण‘ दिसते. चंद्रग्रहण किंवा सूर्यग्रहण हे नैसर्गिक आविष्कार आहेत. कोणत्याही अंधश्रद्धांना अजिबात घाबरू नका. ग्रहणाचे योग्य प्रकारे निरिक्षण करा. त्यामागचे विज्ञान समजून घ्या. ग्रहणात हवा दूषित होत नाही, असेही ते म्हणाले.

इथून पुढे 2034 सालापर्यंत होणारी चंद्रग्रहणे -

(1)खग्रास चंद्रग्रहण - 3 मार्च 2026 - भारतात ग्रहणातच चंद्र उगवेल.

(2)खंडग्रास चंद्रग्रहण - 28 ॲागस्ट 2026 - भारतातून दिसणार नाही.

(3)छायाकल्प चंद्रग्रहण - 20 फेब्रुवारी 2027 - भारतातून दिसेल.

(4)छायाकल्प चंद्रग्रहण - 18 जुलै 2027 - भारतातून दिसेल.

(5)छायाकल्प चंद्रग्रहण - 17 ॲागस्ट 2027 - भारतातून दिसणार नाही.

(6)खंडग्रास चंद्रग्रहण - 12 जानेवारी 2028 - भारतातून दिसणार नाही.

(7)खंडग्रास चंद्रग्रहण - 6 जुलै 2028 - भारतातून दिसेल.

(8) खग्रास चंद्रग्रहण - 31 डिसेंबर 2028 - भारतातून दिसेल.

(9)खग्रास चंद्रग्रहण - 28 जून 2029 - भारतातून दिसणार नाही.

(10)खग्रास चंद्रग्रहण - 20 डिसेंबर 2029 - भारतातून दिसेल.

(11)खंडग्रास चंद्रग्रहण - 15 जून 2030 - भारतातून दिसेल.