Best CNG Cars: फॅमिलीसाठी बेस्ट अशा CNG कार, मायलेज 34 किमी आणि किंमतही 7 लाखांच्या आत!

आयसीएनजी टाटा टियागो सीएनजी तुमच्यासाठी एक चांगला पर्याय असू शकतो. इंजिनबद्दल बोलायचं झालं तर, या कारमध्ये १.२ लिटर इंजिन आहे जे सीएनजी मोडमध्ये ७३ एचपी पॉवर आणि ९५ एनएम टॉर्क जनरेट करते. या इंजिनमध्ये ५-स्पीड मॅन्युअल ट्रान्समिशन गिअरबॉक्स वापरण्यात आला आहे. ही कार २७ किमी/किलो मायलेज देते. या कारची किंमत ५.६५ लाख रुपयांपासून सुरू होते. मारुतीच्या सीएनजी कारच्या तुलनेत हे कमी मायलेज देते. पण ते अधिक सुरक्षितता आणि ताकद देते.

देशातील आघाडी आणि सर्वात जास्त कार विक्री करणारी मारुती सुझुकीची सेलेरियो सीएनजी ही एक प्रवासासाठी उत्तम कार आहे. . ही कार १.० लिटर पेट्रोल इंजिनने सुसज्ज आहे. या कारचं इंजिन देखील चांगली कामगिरी देते. ही कार सीएनजी मोडवर ३४.४३ किमी/किलो मायलेज देते. कारमध्ये ५ लोक सहज बसू शकतात. सुरक्षेसाठी, या कारमध्ये अँटी-लॉक ब्रेकिंग सिस्टमसह EBD आणि एअरबॅग्जची सुविधा आहे. सेलेरियो सीएनजीची एक्स-शोरूम किंमत ५.६४ लाख रुपयांपासून सुरू होते.

मारुती सुझुकीची वॅगन-आर सीएनजी ही आज प्रत्येक घराची पसंती आहे. या कारमध्ये जितकी जागा उपलब्ध आहे तितकी जागा इतर कोणत्याही कारमध्ये उपलब्ध नाही. ५ लोक या कारमध्ये खूप आरामात बसू शकतात. वॅगन-आर मध्ये १.० लिटर पेट्रोल इंजिन आहे आणि ही कार सीएनजीमध्ये देखील उपलब्ध आहे. सीएनजीमध्ये कारचं मायलेज ३४ किमी/किलो आहे. सुरक्षेसाठी, कारमध्ये EBD आणि एअरबॅग्जसह अँटी-लॉक ब्रेकिंग सिस्टम आहे. वॅगन-आर दैनंदिन वापरासाठी वापरण्यासाठी एक चांगला पर्याय आहे. वॅगन-आर ची किंमत ६.५४ लाख रुपयांपासून सुरू होते.