Maruti लवकरच करणार धमाका, BMW सारखी दिसणारी कार करतेय लाँच!

मारुती डिझायरच्या न्यू जनरेशन मॉडेलच्या पॉवरट्रेनमध्ये बदल केलाय. नवीन स्विफ्टप्रमाणे ही कार Z-सिरीज, 3-सिलेंडर इंजिनने सुसज्ज असू शकते. या इंजिनसोबत ऑटोमॅटिक ट्रान्समिशनचा ऑप्शनही दिला जाईल. कारच्या स्टँडर्ड मॉडेलमध्ये 5-स्पीड मॅन्युअल गिअर बॉक्स दिला जाईल. मारुतीचे हे नवीन मॉडेल विक्रीत लक्षणीय वाढ करू शकते.

नवीन मारुती डिझायरचं इंटिरिअर बऱ्याच प्रमाणात स्विफ्टसारखे असेल. पण ऑटोमेकर ही नवीन कार वेगळ्या रंगांमध्ये लाँच करू शकते. या कारमध्ये मिळणारी टचस्क्रीन स्विफ्टसारखी असू शकते. पण या कारचे सर्वात महत्त्वाचं फीचर म्हणजे सनरूफ. सध्याच्या डिझायरमध्ये हे फीचर उपलब्ध नाही. भारतीय ऑटो मार्केटमध्ये कोणत्याही कॉम्पॅक्ट सेडानमध्ये सनरूफचं फीचर अद्याप आलेलं नाही. या गाडीतील सर्व फीचर्सची माहिती लाँचिंगच्या वेळी समोर येईल.

मारुती डिझायरचा लीक झालेला फोटो पाहिल्यानंतर ही कार पूर्वीपेक्षा अधिक प्रीमियम असल्याचं दिसून येत आहे. कारला स्लिम हेडलॅम्प बसवून ते क्रोम लाइननं जोडले जाऊ शकतात. मारुतीची ही कार आधीच्या मॉडेलपेक्षा मोठ्या ग्रीलसह मिळेल. कारची लांबी पूर्वीप्रमाणे चार मीटरच्या रेंजमध्ये असू शकते. वाहनाच्या मागील बाजूस एक मोठी क्रोम लाइन देखील लावली जाऊ शकते, जी टेल लॅम्पशी जोडली जाईल.