मेहनतीच्या जोरावर टेम्पोचालकाची मुलगी झाली न्यायाधीश; अशी आहे गुलफाम सय्यदची कहाणी

मुंबई, 16 ऑक्टोबर :  प्रतिकूल परिस्थितीवर मात करत करिअरमध्ये मोठं यश मिळवणाऱ्या व्यक्तींच्या यशोगाथा इतर तरुणांसाठी प्रेरणादायी असतात. आज अनेक तरुण-तरुणी कठोर मेहनत, जिद्दीच्या जोरावर यूपीएससी, एमपीएससी, पोलीस, सैन्य भरती परीक्षांमध्ये यश मिळवताना दिसतात. गुलफाम सय्यदची कहाणी अशीच काहीशी आहे. आम्ही एका खोलीत राहतो. या खोलीतच जेवतो, वावरतो. मी या खोलीतच अभ्यास केला. घरातले अन्य सदस्य आसपास असतानाही मी अभ्यासवर लक्ष केंद्रित केलं, असे गुलफामने सांगितले. पंजाब नागरी सेवा न्यायिक परीक्षा उत्तीर्ण होऊन ती आता न्यायाधीश बनली आहे. गुलफामचे वडील तालिब हुसेन हे टेम्पोचालक आहेत.