कौतुकास्पद! अवघ्या 10 वर्षाच्या चार्वीचे 52 Video, 'त्या' विक्रमाची इंडिया बुक ऑफ रेकॉर्डमध्ये नोंद

या पुस्तकातील सर्व श्लोकांचे चार्वी गरपाळ हिने 52 व्हिडिओ तयार केले आणि बोधिसत्व खंडेराव 'यू ट्यूब चॅनल' वर अपलोड केले. पाच महिन्याच्या आत 52 व्हिडिओ अपलोड करून तिने एक नवीन रेकॉर्ड स्थापित केला आहे. सर्व संस्कृत श्लोकांचे उच्चार शिकविण्यासाठी अमृता खंडेराव यांनी चार्वीला मार्गदर्शन केले आहे. कुंदा हळबे आणि डॉ. गणेश खंडेराव यांनी या उपक्रमासाठी मोलाचे सहकार्य केले.

इंडिया बुक ऑफ रेकॉर्ड व्हावं हे माझं टार्गेट नव्हतं. तर माझ्या वयातील मुलांना पर्यावरणाचे महत्त्व कळावं आणि पर्यावरणात त्यांनीही काहीतरी काम करावं. हा संदेश मला त्यांना द्यायचा होता, अशी भावना चार्वीने व्यक्त केली.

चार्वी गरपाळ ही 'नृत्य, गायन, खेळ, पाठांतर, योगाभ्यास, जिम्नॅस्टिक, नाट्यकला तसेच ऑलिम्पक स्पर्धा परीक्षा अशा अनेक विषयात पारंगत आहे. आजपर्यंत तिने अभ्यासाव्यतिरिक्त अनेक वेगवेगळ्या विषयांमध्ये प्राविण्य आणि बक्षिसे मिळविली आहेत. सध्या ती सक्षम इंग्लिश मीडियम स्कूल- वर्धा या शाळेत पाचव्या वर्गात शिकत आहे. चार्वीच्या या कामाचे सर्वत्र कौतुक होत आहे. चार्वी गरपाळ या विद्यार्थिनीने 'पर्यावरण संरक्षणाच्या दिशेने उचललेले हे पाऊल' जगातील सर्व विद्यार्थ्यांसाठी मार्गदर्शक ठरणार आहे. ही बाब विदर्भवासियांसाठी कौतुकास्पद ठरली आहे.