दारूच्या पार्टीत ठरला चित्रपटासारखा दरोडा कट, भरदिवसा 60 लाख लुटले, बीडमध्ये खळबळ

बीड : माजलगाव शहरात भरदिवसा घडलेल्या सुमारे 60 लाख रुपयांच्या दरोड्याने संपूर्ण जिल्ह्यात खळबळ उडवली होती. या धक्कादायक घटनेमागे आरोपींनी अत्यंत थंड डोक्याने आणि काटेकोर नियोजनाने कट रचल्याचे तपासातून उघड झाले आहे. दरोड्याच्या एक दिवस आधीच पात्रूड रोडवरील एका लॉजमध्ये आरोपींनी दारू आणि नॉनव्हेज पार्टीच्या आड बैठक घेतली होती. या बैठकीत दरोड्याचा संपूर्ण आराखडा तयार करण्यात आला असून, प्रत्येक आरोपीची भूमिका निश्चित करण्यात आली होती. दुसऱ्याच दिवशी हा कट प्रत्यक्षात उतरवण्यात आला.