25 लाखांवर हात मारला, स्वत:वर चाकुने केले वार, लुटीचा प्रकार फसला अन् बँकेचा अधिकारीच अडकला

नळदुर्ग येथील लोकमंगल को-ऑपरेटिव्ह सोसायटीचा शाखाधिकारी कैलास घाटे याने ३० जून रोजी पोलिसांना माहिती दिली की, तो २५ लाख रुपयांची रोकड सोलापूर येथील मुख्य कार्यालयात जमा करण्यासाठी दुचाकीवरून जात होता. त्यावेळी राष्ट्रीय महामार्ग क्रमांक ६५ वर चापला तांड्याजवळ पाठीमागून दुचाकीवर आलेल्या दोघांनी त्याला ओव्हरटेक करून डोळ्यात मिरची पूड फेकली. डोळ्यात मिरची गेल्याने घाटेने दुचाकी थांबवली असता, चोरट्यांनी पैशांची बॅग हिसकावण्याचा प्रयत्न केला. घाटेने प्रतिकार केला असता चोरट्यांनी त्याच्या छाती, पाठ आणि उजव्या खांद्यावर वार करून २५ लाखांची रोकड असलेली बॅग घेऊन पलायन केलं, असा बनाव आरोपीनं रचला.

या घटनेची माहिती मिळताच नळदुर्ग पोलिसाच्या स्थानिक गुन्हे शाखेने काही तासातच हा तपास सुरू केला. या तपासात हा शाखाधिकारीच मास्टरमाइंड असल्याचं समजलं. पोलिसांनी शाखाधिकार्‍याने लपवलेली रक्कम जप्त केली असून त्याला अटक देखील केली आहे.