Trending:

Doctor Couple : बायकोला गॅसचा त्रास, संतापलेल्या नवऱ्यानं घेतला धक्कादायक निर्णय; 11 महिन्यांतच संपली लग्नाची कहाणी

Published by:Devika Shinde

Last Updated:October 16, 2025 5:19 PM IST

Bengaluru Doctor Couple : कर्नाटकच्या राजधानी बेंगळुरूत घडलेली एक खरी घटना याचं उदाहरण आहे, जिथे एका डॉक्टर दांपत्याच्या जीवनातील गुपित, प्रेम आणि विचित्कृर त्य यांचा धक्कादायक चेहरा समोर आला.

इम्पॅक्ट शॉटतुमचा गेटवे लेटेस्ट न्यूज

मुंबई : डॉक्टरचा पेशा जितका सन्मानाचा आहे, तितकाच जबाबदारीपूर्णही आहे. त्यामुळे त्यांना रुग्णांचं जीवन वाचवणारे देवच म्हणतात. कारण त्यांच्याच हातात रुग्णाचं जगणं वाचणं किंवा बरं होणं असतं. त्यामुळे लोक जरा काही त्रास झाला की डॉक्टरकडे धावतात. त्यांना माहितीय आपल्याला यातून आपल्याला फक्त डॉक्टरच बरे करु शकतात. पण कधी कधी काही डॉक्टर आपल्या पेशाला काळीमा फासणारं काम करतात.

कर्नाटकच्या राजधानी बेंगळुरूत घडलेली एक खरी घटना याचं उदाहरण आहे, जिथे एका डॉक्टर दांपत्याच्या जीवनातील गुपित, प्रेम आणि विचित्कृर त्य यांचा धक्कादायक चेहरा समोर आला.

28 वर्षीय कृतिका एम. रेड्डी, एक प्रसिद्ध डर्मेटोलॉजिस्ट, तिच्या नव्या विवाहानंतर काही महिन्यांतच तिचा मृत्यू झाला आणि कारण होतं तिचा डॉक्टर नवरा.

कृतिकाचा अचानक मृत्यू हा सर्वांसाठी धक्कादायक ठरला. सुरुवातीला लोकांना वाटले की तिची गॅसची समस्या आणि आजारीपणामुळे तिचा जीव गेला. तिचा नवरा, डॉ. महेंद्र रेड्डी, स्वतःही सर्जन आहे आणि तोच तिचा उपचार करत होता, त्यामुळे ही गोष्ट अधिक गंभीर वाटली नाही.

पोलिस तपासात उघडकीस आले की, डॉ. महेंद्रने आपल्या पत्नीला प्रोपोफोल (Propofol) नावाच्या शक्तिशाली एनेस्थेटिक औषधाचा उच्च डोस दिला होता आणि तिचा मृत्यू नैसर्गिक मृत्यू दाखवण्यासाठी प्लान आखला होता. पोस्टमॉर्टम आणि फोरेंसिक साइन्स लेबोरेटरी (FSL) च्या अहवालात हे स्पष्ट झाले की, तिच्या शरीरात एनेस्थेसिया असल्याचे निदर्शनास आले.

ACP रमेश बनोथ यांच्या माहितीनुसार, महेंद्रचा असा दावा होता की कृतिका आजाराने त्रस्त होती आणि तो तिचा उपचार करत होता. पण तपासात समजले की महेंद्र कृतिकाच्या आजारांमुळे संतापलेला होता, तसेच कृतिकाच्या कुटुंबाने काही आरोग्याशी संबंधित माहिती त्याच्याकडून लपवली होती. यामुळेच महेंद्रने ही भीषण घटना घडवली.

डॉ. महेंद्रचा गुन्हेगारी इतिहास

पोलिस चौकशीत असेही समोर आले की डॉ. महेंद्रचा आधीपासून धोखाधडी आणि धमकी यासारख्या प्रकरणांमध्ये गुन्हेगारी इतिहास आहे. आता पोलिसांनी या प्रकरणात हत्याची तरतूदही केली आहे. मृतक कृतिकाच्या वडिलांच्या मागणीनुसार ह्या प्रकरणाची पुन्हा तपासणी सुरु करण्यात आली आहे..

ही घटना केवळ एका घरातल्या दोन लोकांमधील नव्हती, तर विश्वास, विवाह आणि करियर यातील गूढ गुंतागुंत उलगडणारी घटना होती. एखादा डॉक्टर आपल्या संसाराला आपल्या जिवनसाथीला वाचवण्यासाठी काहीही करायला तयार होईल, पण या डॉक्टरने मात्र याचा फायदा घेत आपल्या बायकोचीच हत्या केली हे समजल्यावर अनेक लोकांना धक्का बसला.

view comments

Location :

Mumbai,Maharashtra

First Published :

October 16, 2025 5:19 PM IST

Doctor Couple : बायकोला गॅसचा त्रास, संतापलेल्या नवऱ्यानं घेतला धक्कादायक निर्णय; 11 महिन्यांतच संपली लग्नाची कहाणी